Dîlan Babat

 

ANQARA - DMMEye derheqê 13 parlementeran de qerarê binpaykerdişî da. Avûkate Reyhan Yalçindage qerar ercnaye û vat ke heme cezayê ke ameyî dayîş bê hukm mendî û wina vat: “Rewşa qerarê ke pê nîyarî de yê sey Kavala do prosedurê binpaykerdişî yê (AÎHS) û Statuya Konseyê Ewropa ameyî awankerdiş pê bêro.”

 

Mehkemaya Heqê Merdiman ya Ewropa (DMME) derheqê hemsereka pêroyî ya verêne ya Partîya Demokratîke ya Şaran (HDP) û 13 parlementeran de muracato ke ame kerdiş de qerar da. Muracatê ke ameyî kerdiş de seba tepiştişê Fîgen Yuksekdag û parlementeran de qerar ame dayîş ke 18ine nuktaya Pêkerdişê Heqê Merdiman ya Ewropa (AÎHS) ameya binpaykerdiş. DMME sewbîna Tirkîya mehkumê 184 hezar û 600 Euro tazmînatî kerd.

 

Avûkate Reyhan Yalçindage derheqê qerarê DMMEye yê 4ê Teşrîna Peyêne de ercnayîşan kerd.  

 

Reyhanêe da zanayîş ke qerar maneno yê DMMEye ke derheqê Selahattîn Demîrtaş, wedarnayîşê destnêdayîşî, Fîlîz Kerestecîoglu û Ferhat Encuyî de dabî û wina vat: “Her çend ke hukmat bieşko hirê aşman de îtîraz bikero zî rewşa îtîrazêko winasî de mehkema no îtîrazî çiman ver de nêgêna û nêbena Daîreya Girdî. Coka ra ma vanê ke ganî lezubez no qerar bêro wedarnayîş. Fîgen Yuksekdaga ke nameyê aye qerarî de derbaz beno û heta tepişte ya, sewbîna Selahattîn Demîrtaşo ke 4ê Teşrîna Peyêne de ameyo tepiştiş û eynî sebeban vera dewayêka bîn zî ci rê ame kerdiş, hema zî tepişte yê.”

 

‘Qerarê hirêne’

 

Reyhane da zanayîş ke goreyê qerarê DMMEye ganî Fîgen Yuksekdage bi hawayo lez bêra tehlîyekerdiş û mehkema bi hawayêko eşkera derheqê 13 parlementeran de qerar daya ke bi saîkanê sîyasîyî ameyî tepiştiş. Reyhane wina dewam kerd: “Rewşa qerarê ke pê nîyarî de yê sey Kavala do prosedurê binpaykerdişî yê (AÎHS) û Statuya Konseyê Ewropa ameyî awankerdiş pê bêro. Vîşêrê Fîgen Yuksekdag û parlamenterê ma yê bînî muracatê Îdrîs Balukenî zî esto. Muhakemekerdişêko bi lezubezî ra dima Îdrîs Baluken ame tepiştiş û hema zî tepişte yo.”

 

‘Ganî qerarê DDByî yê Îdrîs Balukenî pê bêro’

 

Reyhane dîyar kerd ke xeylê muracatê Îdrîs Balukenî Mehkemaya Desturê Bingehî de estî wina domnaye: “Îdrîs Baluken propaganda û endamtîye ra ceza girewto. Nê qiseykerdişê ci heme zî çarçeweya azadîya fikir û ramanî de yo. Her çend ke heme zî çarçeweya Nuqtaya 83/1ine de yê Desturê Bingehî de bibî zî bi saîkanê sîyasîyan ceza ci rê ame birnayîş. Ganî bi hawayêko lez qerar raşte ra bêro wedarnayîş û pê nêro.”

 

‘Eşkeno ceza bêra dayîş’

 

Reyhane bin ê vatişan peynîya qiseykeridşê xo ard û vat: “Qerarê DMMEye tesilî yî. Coka ra îtîrazkerediş nêbeno. Her çi eşkera raşte de yo. Rewşa qerarê ke pê nîyarî de yê sey Kavala do prosedurê binpaykerdişî yê (AÎHS) û Statuya Konseyê Ewropa ameyî awankerdiş pê bêro. Seba ke rewşêka neyînî nêvirazîya ganî agêrê huqûq ser û peynîya teda û zilmê hemverê sîyasetmedarê Kurd, muxalîf, sîyasetmedarê HDPyî, rayîrberan bêra.”