QAMIŞLO – Wendekarê Unîversîteya Jineolojî seba şinasnayîşê cuye û têkoşînê Nagîhan Akarsele semînerêke organîze kerdî.

 

Bi sloganê, ‘Çareserîya demî; Jin, Jiyan, Azadî’ Wendekarê Unîversîteya Jineolojiyî seba şinasnayîşê cuya Endama Merkezê Cigêrayîşê Jineolojîyî Nagîhan Akarsele ke 4ê Teşrîna Verêne 2022ine de netîceyê hêrişê çekdarî yê dewleta tirke de Silêmanîye de dinyaya xo bedelnaye, wendekarê Unîversîteya Rojava rê, Unîversîteya Rojawanî yê bajarê Qamişlo - Vakur û Rojhelatê Sûrîye de semînerêk organîze kerd. Cinîyê ciwanî yê ke beşdarê semînerî bîyî vatî, “Nagîhan Akarsele seba ma têkoşerê zanistî ya û ma do serê rêça ci de şêrê.”

 

Koordînasyonê Yewîya Cinîyanê Ciwanan Rîm Dada ya beşdarê semînerî bî, Nagîhan Akarsele yad kerde û vat: “Nê hêrişî hemverê cinîyanê rayber de terso pîl ê hêzê hegemonî nîşan dano. Qetilkerdişê Jîna Emînî ra heta hedefgirewtişê embaza Nagîhan Akarsele, eynî metod bi. Serê nê esasî de ma waşt, ma rastîya cinîyanê rayber û zanistnas sey Nagîhan Akarsele wendekaran rê pare bikerê, semedo ke roşnvîr û zaneyê ameyoxê ma wendekar ê.”

 

‘Ma do xoverdayîş biresnê azadîya xo’

 

Wendekara Beşê Jineolojî ya Unîversîteya Rojawanî Zehrîban Hisên bale ant serê felsefe û îdelojîyê ‘Jin, Jiyan, Azadî’ yê cinîyê Kurdî rayberîya ci kenê, dîyar kerdî ke wayîrvejîyayîşê na slogane seba sîstemê camêrd dewlete tersêk pîl o û vat: “Destpêkê şorişê cinî de cinîyî bi na slogane xo ver danê û seba azadîya xo têkoşîn kenê û ewro zî ma rayîrê înan taqîb kenê. Ma do bi xoverdayîş biresê azadîya xo û ver bi azadîya heme cinîyan û komelî rê rayîr ra şêrê seba azadîya komel û cinî pîya girêdaye yo. Nagîhan Akarsele seba mas ey wendekarê Jineolojî, têkoşera zanistî ya û ma do serê rêçe aye de şêrê.”