ANQARA - Serekwekîla Grûba HDPyî Meral Daniş Beştaşe vera tepiştişê rojnamegeranê JINNEWSî û MAyî nêrazîbîyayîşê xo mojna û wina vat: “Êyê ke ameyî tepiştene rojnameger ê. Ez bixo şahidê înan a.”

 

Serekwekîla Grûba Partîya Şaran a Demokratîke (HDP) Meral Daniş Beştaşe Heyetê Pêroyî yê Parlamentoyî de derheqê rojnamegeranê ke bi îşkenceyî ameyî tepiştene qisey kerd.

 

Merale ard ziwan ke rojnamegerî seba aktîvîteyanê meslekîyanê ci ameyî tepiştene û wina vat : “Dinya de tu welatêk, sere de Tirkîya seba rojnamegeranê tepişteyan nêvano ke ‘Ez înan seba ke rojnamegerî kenê tepişena’. Ê qetî rîyêk vînenê. Xora Tirkîya de kes o ke mihalîf o sey terorîstî yeno etîketkerdene. Ma ter tim naye vanê. Ewro Tirkîya de nême ra zêde goreyê peymeyanê îqtîdarî muameleyê terorîstî vîneno. Her kesî rê na çekuye yena vatene. Ma zaf baş zanenê ke tepişteyî rojnameger ê. Qiseykerdoxê ma vat ke îşkence ame kerdene. Seba nê persan ma pawit ke cewab bêro dayene. 

 

‘Şahidê rojnamegeran a’

 

Merale dewam de wina vat: “Hetêk ra xeylê serebûtî estê û Tirkîya warê tepiştişê rojnamegeran de dinya de kewta lîste, hetekê bînî ra yeno vatene ke Tirkîya de ‘çapemenîye û weşan azad ê’. Ê wazenê ke zure û dinyaya ke awan kerdê kesanê bînan rê bidê qebulkerdene. Ez şahid a ke 11 rojnamegeran karê xo kerd. Mi bixo çend reyî Berîvan Altan û Dîren Yurtsevere rê roportaj da. Mi têna nameyanê înan vat. La ez tîya de vaja ke ez şahidê ê bînan a zî.”