MERKEZÊ XEBERAN - Hunermenda kurde Mizgîn Tahir dîyar kerd ke Jîna Mahsa Amînî bî sembolêke û do tim zerrîya ma de biciwî yo.

 

Qetilkerdişê Jîna Mahsa Amînî temamê dinya ame şermezarkerdiş. Rojhelatê Kurdistanî û Îranî de zî temamê şarî wurza serê payan û hemverê rejîmê Îranî de sere wedarnayî. Reaksîyon û nêrazîbîyayîşê hemverê qetilkerdişê Jînaye û sewbîna paştdayîşê semedê serewedaritişê rojhelatê Kurdistanî û Îranî zî dewam keno. Hunermenda operayî Mizgîn Tahire derheqê Jîna de Ajansê NûJINHAyî rê qisey kerd. Bi rayîrê ajansê ma dir mesajêk bida Akademiya Orkestra ya Rojawanî.

 

Mizgîna ke nika Akademîya Orkestra ya Rojawanî de ca gêna û perwerde kena, semedê Jîna Mahsa Amînî wina hîs û fehmê xo ard ziwan: "Jîna cinîyêka kurde ya rojhelatê Kurdistanî ya, semedo ke waşt azad biciwîyo, aye ameye qetilkerdiş. Jîna qedexe û serdestîyê dewlete ra û quralê wişk qebûl nêkerd, kefiya ke bi zor dayî serê porê aye qebûl nêkerd, nêwaşt ke aye asê bikero û gire bido. Sîstemo îqtîdar bi heme metodî wazeno cinîyan asê bikero û înan azadîya înan ra dûr bikero, semedê nê zî aye qetil kerdî.”

 

Azadî semedê her kesî serkewtiş û netîcegirewtişî ya, tena semedê cinîyan ney, semedê heme kesê serê rîyê erdî de azadî serkewtiş a. Eke ma sey hunermend azad nêbê, do hunerê ma serkewte nêbo û ma do nêeşkê mesajê xo biresnê. Ganî ma pêro bizanê ke cinîya kurde Jîna sembolêke semedê ma û do timî zerrîya ma de biciwîyo.

 

Rojawan ra heta Rojhelat ra silamanê xo şawena, embaza rihê min a azade Jîna. Ti sembola semedo ke rihê xo semedê to bida. Rihê mi bi to azad beno.