ANQARA - Sereka TTByî Şebnem Korur Fîncanciye zindan ra mesajêk şawit û mesajê xo de nê çîyan ard ziwan: “Ferqê ke yenê texmînkerdiş ke do nêrê derbazkerdiş dewlemendîya ma yê. Paştîdayîşo ke şima tepiştişî de mojna zî nîşaneyê ci yo. Ma do paştîdayîşê xo gird bikerê.”

 

Sereka Konseya Merkezî ya Yewîya Tabîbanê Tirkan (TTB) Şebneme Korur Fîncanci bi îdîaya 'propagandaya rêxistine' 26ê teşrîna verêne de amebî destbendkerdiş û îfadedayîşî ra dima bi waştişê dozgerîye ameybî tepiştiş. Şebnema ke Zîndanê Sîncanî yê Cinîyan de yena tepiştiş, mesajêk şawit.

 

Şebnem Korur Fîncanciye mesajê xo de wina vat: “Meslegdarê ercîyaye, hemrayê ercîyaye, mi tam xo seba eşkerayîyêka zanistî hadre kerdêne la wext qîm nêkerd, wa no zî deynê mi bo. Ez zana ke şima têkoşînê ma dewam bikerê. Her çend ke ez mîyanê şima de nêba û no ma hîssin bikera zî ez bi zerrî û can ra şima reyde ya.

 

Tikê lazimîya mi bi betildayîşî estbî. Hesab bikerê ke ez vejîyaya betlane. Ez senî boya xo bida, ez do reyna seba domnayîşê têkoşînî tewrê şima biba. Ferqê ke yenê texmînkerdiş ke do nêrê derbazkerdiş dewlemendîya ma yê. Paştîdayîşo ke şima tepiştişî de mojna zî nîşaneyê ci yo. Ma do paştîdayîşê xo gird bikerê. Bêrincanî, bi dostanî û paştîdayîşî ma do têkoşînê xo dewam bikerê.”