WAN - Sîlopî de 6ê teşrîna peyêne de hemverê şuxilnayîşê çekanê kîmyewîyan do rayîrraşîyayêşêk bêro organîzekerdiş. Cinîyan semedê tewrbîyayîşê rayîr ra şîyayîşî veng dayî û dîyar kerdî ke no rayîr ra şîyayîş eynî wextî de bi amancê protestokerdişê tecrîdî û binpaykerdişê heqan ê zîndanan bi ca bêro.

 

Reaksîyonê hemverê şuxilnayîşê çekê kîmyewîyan yê ke bi hemkarîya Tirkîya û PDKyî hemverê herêma Zap, Avaşîn û Metîn ya Herêma Federal a Kurdistanî ca ame, hemverê caardişê çekanê kîmyewî do 6ê teşrîna peyêne de Sîlopîyê Şirnexî de rayîr ra şîyayîşêk bêro organîzekerdiş. Hem bajarê Kurdistanî hem zî bajarê bînî bînî do tewrbîyayîş bi ca bêro û derheqê rayîr ra şîyayîşî de zî yenê kerdiş.

 

Hemsereka Partiya Herêmê Demokratîke (DBP) ya Wanî Şengul Polat da zanayîş ke caardişê çekanê kîmyewîyan sûcê merdimayî yo û wina vat: “Her di hetî de şerêkê bibo, caardişê çekanê kîmyewîyan rumetê merdimayî yeno binpaykerdiş. Caardişê çekanê kîmyewîyan hemverê ehlaq û cuya merdimayî ya. Tena merdiman ney pêro ganeyan çin keno.”

 

‘Hemverê maddeyê kîmyawîyan rayîr ra şîyayîşê merdimayî’

 

Şengule dewam de wina vat: “Rayîr ra şîyayîşê ma yê Sîlopî hemverê çekanê kîmyewîyan yo. Bi serran o şerêke dewam keno est o. No yeno manaya binpaykerdişê rumetê merdimayî yo. No rayîr ra şîyayîşê merdimayî yo hemverê şuxilnayîşê çekanê kîmyewîyan o. Ma do hemverê nê zî îtîraz bikerê. Rayîr ra şîyayîşê Sîlopî, do rayîr ra şîyayîşê îtîrazê hemverê çekanê kîmyewîyan bibo.”

 

‘Ganî her kes tewrê rayîr ra şîyayîşî bibo’

 

Şengule wina qedêna: “No rayîr ra şîyayîşê eynî wextî de hemverê polîtîkayê tecrîdî yê tesîr serê komelî de zî kerdo. Rayîr ra şîyayîşê Sîlopî, derheqê  têkoşînî de yo. Ganî her kes hemverê nê caardişê  hemverê rûmetê merdimayî vengê xo berz bikerê û heme kesî tewrê rayîr ra şîyayîşî bibê.”

 

Ma nê hêrişê bêhuqûqî qebûl nêkenê

 

Hemsereka Komeleya Hetkerayî bi Keyeyê Tepişteyan reyde (TUHAY-DER) Edîbe Babur zî bale ant serê rayîr ra şîyayîşê Sîlopî û vat: “Caardişê  çekanê kîmyewîyan bi tu hawayî nêno qebûlkerdiş. Ma hêrişê hemverê şarê Kurdî qebûl nêkenê. Heme kesê ke wayîrê wijdan bo, ganî tewrê nê rayîr ra şîyayîşî bibê. Gelo do heta key tutê ma bimirê.  Do  heta key bi çekanê kîmyewîyan hêriş bikerê. Ma nê hêrişê bêhuqûqî qebûl nêkenê.”

 

'Ganî ma cuyêka azad vengê xo berz bikerê’

 

Edîbeye tewr peyîn wina vat: “Ma hemverê çekanê kîmyewîyan, binpaykerdişê heqan ê zîndanan û tecrîdê serê Rayberê PKKyî Abdullah Ocalanî û şarê Kurdî venga heme kesî kenê; Heme kesê ke xo ra vanê, ez merdim a ganî vengê xo berz bikerê. Ma heme kesî dawetê rayîr ra şîyayîşê 6ê teşrîna peyêne de Sîlopî de kenê.”