ANQARA - Konseya Merkezî ya Yewîya Tabîbanê Tirkan (TTB) derheqê tepiştişê  Sereka TTByî Şebnem Korur Fîncanci de da zanayîş ke qiseykerdişê Şebneme sûc nêyo û wina vat: "Şebnem Korur Fîncanci tena nêya.”

 

Sereka Konseya Merkezî ya Yewîyanê Tabîbanê Tirkan (TTB) semedê Dr. Şebneme Korur Fîncanci seba ke derheqê şuxulnayîşê çekanê kîmyewîyan de qisey kerd sey hedefî amebî mojnayene de eşkerayîya nuşteyî dayî û ame dîyarkerdiş ke pêvînayîşê  21ê teşrîna verêne yê bi Buroyê Huqûqî yê TTByî û Serdozgerîya Komare ya Anqarayî de ame dîyarkerdiş ke Şebneme eke bêro waştiş zî eşkena bêro îfade û pêwa nê zanayîşan zî Serdozgeriya Komare prosesê destbendkerdişî daya  destpêkerdiş û no prosesî açarnaya nadîyayîşêke.

 

‘Qiseykerdişê Şebnem Korur Fincancî suc nêyo’

 

TTByî dîyar kerd ke destbendkerdişê Şebnem Korur Fîncanci netîceyê tedayê hemverê TTByî û îdarekaranê ci yo û wina vat: “Yew bingeyê nê destbendkerdişî û tehqîqatî çin o. Çunke seke sereka ma vatbi îfadeyê aye unsurê sûcî nîyê. TTB pêro nîqaşî çarçewa azadîya îfadeyan de ercneno. Ma do hedefmojnayîş û binpaykerdişanê vera Sereka ma Şebneme Korur Fîncanci qetî qebul nêkenê. Ganî a cade bêra veradayene. Ma do vera kerdişanê neheqan ê îqtîdarî bi wayîrvejîyayîşê Şebneme Korur Fîncanci û TTByî  pawitişê demokrasî, haştî, xoserîya zanistî, azadîya fikrî ya zanyaran û pawitişê weşîya şarî rê dewam bikerê. Şebneme Korur Fîncanci teyna nîya û a rûmeta ma ya!”