MERKEZÊ XEBERAN - Mudurîyê Polîsan ê Anqarayî dîyar kerd ke sebebê destbendkerdişê 11 rojnamegeran, viraştişê xeberan o.

 

Sereştişê keyeyan ke 9 bajaran de Mudira Karê Nuşteyî yê Ajansê Mezopotamyayî (MA) Dîren Yurtsever, muxabîrê MAyî Denîz Nazlim, Selman Guzelyuz, Zemo Aggoz, Berîvan Altan, Hakan Yalçin, Emrûllah Acar û Ceylan Şahînlî û muxabîrê JINNEWSî Habîbe Eren, Derya Ren û Oznûr Deger zî mîyan de 11 rojnamegerî ameyî destbendkerdiş. Mudurîyê Polîsan ê Anqereyî derheqê destbendkerdişê serê hesabê xo yê medyaya dîjîtale de eşkerayîye da.

 

Eşkerayîya ke ajansê ma hedef ame mojnayîş de ame îdiakerdiş ke “Semedê xeberê ke şarî yewbînan dir kerdê sûr viraştê û xebatê rêxistinî kerde” ameyê destbendkerdiş. Eşkerayîye de ame dîyarkerdiş ke derheqê 14 kesan de qerarê destbendkerdişî esto.

 

Eşkerayîye de ame îdiakerdiş ke kamerayê ke ameyê desteserkerdiş makînayê fotografî, defterê notî û kitabî zî sey “kitabê rêxistinî/dokumanan ê” ameyî mojnayîş.