MERKEZÊ XEBERAN - Çarçewaya cipersayîşê Serdozgerîya Komare ya Anqarayî de polîsan eşt buroyê MA yê Anqarayî ser. Xeylêk bajaran de polîsan eşt keyeyanê muxabîranê MA û JinNewsî ser û xeylêk rojnamegerî destbend kerdî.

 

Çarçaweya cipersayîşê ke hetê Serdozgerîya Komare ya Anqara ra yeno rayraberdene de polîsan Anqara de eşt buroyê Ajansê Xeberan ê Mezopotamya (MA) ser û Amed, Wan, Mêrdîn, Riha, Îstanbul û Anqara de eşt  keyeyanê muxabîranê MA û JinNewsî ser.

 

Sereştişê polîsan de Mudira Karanê Nuştişî ya MA Dîrene Yurtsever Îstanbul de ameye destbendkerdene. Muxabîrê MA Zemo Aggoz Anqara de ame destbendkerdene.

 

Muxabîrê MA Selman Guzelyuz Pêyasê Amedî de keyeyê ci de, Hakan Yalçin Wan de keyeyê ci de ameyî destbendkerdene. Sereştişan de kovara Modernetîya Demokratîke û Jineolojî û xeylêk kitabî ameyî destsernayene. Riha de zî Muxabîrê MA Emrullah Acar û Ceylane Şahinli zî ameyî destbendkerdene.

 

Muxabîrê ma Habibe Eren  û Derya Ren zî  Amed de sereştişê polîsan de ameye destbendekerdene. Çarçeweya eynî cipersayîşî de muxabîra ma Oznure Deger zî Qoserê Mêrdînî de ameye destbendkerdene.

 

Dewamê xeberan yeno…