ANQARA - Jiyan Ateşe ke bi nêzdîyê 10 serran o zîndan de ya, pêwa ke înfazê aye temam bîyo zî nêna tehlîyekerdiş. Waya Jîyane, Îpek Ateşe da zanayîş ke 6 aşmî bînî zî ceza Jîyane rê ameya dergkerdiş.

 

Jîyan Ateşa ke Zîndanê Cinîyan ê Sîncanî de tepişte ya, bi iddiyê "endamîya rêxistine" 12 serrî û 9 aşmî ceza ci rê amebî birnayîş û bi nêzdîyê 10 serrî yo ke zîndan de ya. Jîyan Ateşe ke bi nêzdîyê 10 serran o zîndan de ya, pêwa ke înfazê aye temam bîyo zî nêna tehlîyekerdiş. Semedê qerarê Heyetê Îdare û Muşahadeyî yê Zîndanî, înfazê aye ame veşnayîş. Jîyane bi rayîrê telefonî waya xo Îpek Ateşe rê neql kerd ke înfazê aye 6 aşmî bînî zî ameyo taloqkerdiş.

 

Îpeke da zanayîş ke bîlasebeb tehlîyeyê Jîyane ameyo astengkerdiş û vat, Heyetê Îdare û Muşahadeyî yê Zîndanî vatişê,  "Poşmanî esto, yan çin o" ewnîyeno. Îpeke vat, dîyar o ke qerarêkê ke goreyê fermanê hîn kesan o.