Melîke Aydin

 

ÎZMÎR - Cinîyan dîyar kerd ke dewaya qetilkerdişê Denîz Poyraze de dadgehe semedê kesê ke pey şikdarî nêrê vînayîş, hewl danê û vatî ê do sey cinîyî her tim kuçeyan de bê.

 

Roniştişê dewaya gumanbar Onur Gencer ke hemverê Partîya Demokratîke ya Şaran (HDP) hêriş bi ca ard û Denîz Poyraze qetil kerd, 12ê teşrîna de ame vînayîş û dimayê de provakasyonî ame vetiş, dewa 14ê teşrîna verêne de berdî Dadgeha Zîndanê Şakranî. Dadgeha Zîndanê Şakranî avûkatê bi vekalet nêgirewt zere, waştişê redî hakîm ê avûkatê keyeyê Denîz Poyraze ame redkerdiş û dimayê nê zî avûkatan salone terk kerdî labelê avûkatan roniştiş dewam kerd. Cinîyan diyar kerdî ke her ke şino, faşîzm mende kenê  û semedê caardişê demokrasî zî ganî tewr zêde wayîrê dewa vejîyê.

 

‘Dadgehe semedê gumanbarî nêrê vînayîş hewl danê’

 

Dayîka Denîz Poyraz, Fehîme Poyraz da zanayîş ke dadgehe semedê  berpirsê qirkerdişî nêrê vînayîş, hewl dana û vat: “Heyetê dadgehe desturê qiseykerdişî nêdana ma la key gumanbar biwazo, heqeretan ma rê keno. Edelet bi ca nêno. Yê çek dayî gumanbaran ganî bêrê cezakerdiş. Pey ci de dewlete esta. Dadgehe zî xora ci pawena. Gumanbar hêz ci ra gêno. Ganî o kiştox wina asanî qisey nêkero.”

 

‘Heta kesê dimayê gumanbar nêro vînayîş wa dewa nêro padayîş’

 

Fehîme wina vat: “Xeylêk kesî wayîrê dewa vejîyê, la helwestê dadgehe nêvuryayo. Gaz eştî ma. Kesê nêweşî estbî. Gelo dewlete ganî welatijanê xo ra wina bikero? Roniştişê bêro, do roniştişê peynî bibo. Ma qebul nêkenê. Her dadgehe de pêrodayîş virazya ke delîl nêvejênê werte. Pey gumanbarî de kesê saxlemî estê. Ma nêwazenê dosya bêro padayîş. Kam pey gumanbarî de yo wa vejîyo werte. Kamî çek dayo wa bêro vînayîş. Wa  her kes wayîrê dewa vejîyo.”

 

‘Dewleta xorî mudaxale kerd’

 

Meclîsê Cinîyan yê HDPyî Ayşe Ozdamare zî reaksîyonê xo arde ziwan û vat: “Hêrişê vera HDPyî vera pêro rayaumûmîye ya demokrasiye de ameyo kerdiş. Seba ke rayaumûmî wayîrê dewaye nêvejîya, dewa berdî Mehkemaya Zîndanê Şakranî. Ma pey keso şikin dewaye pawenî. Mercîyê dewlete hewl danî  no sûcî binimnî. Avûkatan hewl dayî ke kesê pey kerdoxî vejîyê raşte û delil ameyî destfînayîş. Planê leşin vejîyayî raşte. Şopdarê dezgehê cemawerî yê xoser yê Yewîya Baroyan zî nêgirwtî zerre û gaz eştî. Ma meraq kenê ke do roniştişo bîn de çina bibo. Do avûkatê ke seba demokrasîye têkoşîn danî, eynî raybazî xover bidî. Do no diritîye deşifre bikerî.”

 

‘Do cinî raşteyan de biba’

 

Torê Pawitişê Cinîyan ra Gîzem Coşkune dîyar kerde ke qetilkerdişê Denîz Poyraz û prosesê dewaye rojeva welatî ra xover nîyî û nê çîyan arde ziwan ser: “Çîyê ke yenê cuyayîş nîşaneyê do îqtîdar tîya ra pê se bikero yo. Dewaye seba cinîyan zaf muhîm a. Sîstem faşîzmî daîmî kerdo û bin ê haletan hêriş keno. Esasê xo de tîya ra pê seba heme çîyanê ke bêrî kerdiş tehluke yo. Cinî têkoşînê vera faşîzmî de nesne yo. Ma do roniştişê qerarî taqîp bikerî.”

 

‘Polîtîkaya bêcezawerdayîşî dewam keno’

 

Paştîdayîşê Morî ra Denîz Usluye vat ke dosyaya ke qerarê aye yê tepiştişî çinîya vera tewrbîyayîşê aye yê roniştişî yeno astengkerdiş û vat: “Ma dewaya qetilkerdişê cinîyan de vînenê ke camêrd senî hetê dewlete ra yenê pawitiş. Pê polîtîkayanê bêcezaverdayîşî xelat dîyeno camêrdan. Tecawiz, qatil û kenê şikinan serbest vera danî, la Onur Gencerî nêeşkenê verdî. Îmkanê înan bibayêne do ê vera bidayêne. Ganî pêro rayaumûmî wayîrê dewaye vejîya. Ma do peynîya dewaye vera nêdî.