STENBOL - SYKPyî hemverê çekê kîmyayî yê Tirkîya pankart akerd û vat şuxulnayîşê çekê kîmyayî sûcê şerî yo.

 

Rêxistina Partîya Xelasnayîşî newe ra ya Sosyalîstî (SYKP) ya Stenbolî şuxulnayîşê çekê kîmyayî yê Tirkîya yê herêmanê; Zap, Metina û Avaşinî şermezar kerd. SYKPyî hemverê hêrişê çekê kîmyayî serê pirdêka Stenbolî de pankartê "Çekê kîmyayî sûcê merdimayî yê! Wa qeda kolonyalîstî bikewo" daliqnayî.

 

SYKPyî serê hesabê xo yê twitterî de ca da nê parekerdişî: "Demê operasyonê îşxalkerdişî yê Wareyê Pawitişî yê Medyaye, dewleta tirke çekê kîmyayî şuxulnaye û sucê şerî kerda. Ma do hesabê nê sûcê şerî yê aciziyê dewlete nîşan dano, bipersê.”