MÊRSÎN - Cenazeya Dilara Ûrper û Emek Feremez Hisên yê ke Mêrsîn de çalakîya hemverê Mudûrîyê Polîsan de dinyaya xo bedelnayî, 22 rojî yo ATKyî yenê vindarnayîş.

 

Çalakîya 26ê êlule yê hemverê keyeyê Polîsan yê Taxa Tece ya qezaya Mezîtlî ya Mêrsînî de, polîsêk merdibi û xeylêk polîsî zî birîndar bî. Endamê HPGyî Dilara Ûrper (Sara Tolhildan) û Emek Feremez Hisên (Rûken Zelal) yê ke çalakî kerdî zî cayê serebûtî de dinyaya xo bedelnayî.

 

2 keyeyan nimûneyê gonî dayî

 

Morgê Sazgehê Tipê Edlî (ATK) yê Edeneyî 2 cenazeyê ke hema parçeyê înan çin o, yenê vindarnayîş. keyeyê Dîlara, dimayê eşkerayîya HPGyî ame Mêrsîn û semedê cenazeye xo bigîrê, muracatê Serdozgerîya Komare kerdî. Labelê dozgerîye endamê keyeyî testê DNAyî waşt. Keye vernîya ke cenazeya xo bigîro, semedê DNAyî nimûneyê gonî da. Ame zanayîş ke keyeyê Dilşah Ercan hetê Wezîrê Karê Zereyî Suleyman Soylu ra hedef ameyo girewtiş, semedê DNAyî nimûneyê gonî dayê Serdozgerîya Komare ya Mêrsînî zî, nimûneyê gonî yê her di keyeyan de, tu averşîyayîşêk nêvirazîya. Semedo ke Serdozgerîya Komara ya Mêrsînî, qerarê nimitşî yê derheqê cipersayîşî de girewt, derheqê agahiyan de tu averşîyayîşêke nêvirazîya.