STENBOL - Tepişteya bi nameyê Saadet Akin, semedê Jîna Mahsa Amînî ya ke Îran de ameye qetilkerdene, kilama bi nameyê, “Jîna jînda bû jin jiyan” nuşte.

 

Tepişteya bi nameyê Saadet Akina ke Zîndanê Girewteyê Cinîyan ê  Sîncanî de tepişte ya, semedê Jîna Mahsa Amînî ke 16ê êlule de paytextê Îranî yê Tahranî de hetê “polîsê exlaqî” ra ameye qetilkerdiş, kilame nuşte. Saadeta ke bi pêvînayîşê telefonî yê hewteyîn de bi keyeyê xo reyde qisey kerd, kilama bi nameyê “Jîna jînda bû jin jiyan” vat.  Saadete, eynî wextî de serewedaritişê cinîyan ke Rojhelat  de aver şi, silam kerd.

 

Cinîyê têkoşer silam kerd

 

Saadete, têkoşînê cinîyan xususî şexsê Rojhelatê Kurdistanî de aver şîyo, silam kerd û wina vat: “Ma zî bi ruhê nê şorişî û xoverdayîşê nê cinîyê ke wareyan de hemverê tarîtî û zordestîyê sîstemê qetilkerdişê cinîyan de sere wedaritê, kuçeyan de bi îradeyê xo hemverê nê tarîtî de şer kenê, ma pêro cinîyan yew bi yew pîroz kenê. Silamê tewr germ û hîsê xo yê şorişgêrî înan rê şawenê û nê serewedaritişê înan ke bi sloganê, ‘Jin, jiyan, azadî’ dinya de vila bîyo, pîroz kenê. Ma hîsê xo yê azadîya cinî û têkoşînê ci yew bi yew û game bi game xo resnena ver bi azadîye, ma silam kenê. Ma pêro cinîyê ke semedê azadîye hemverê sîstemê pederşahî, şer kenê înan silam kenê û bejna xo verê têkoşînê înan de tewênena. Silam û heskerdişê şorişgêrî.”  

 

Kilama Saadete wina ya: