ANQARA - Heyetêkê HDPyî do şêro Bartino ke 41 karkerê madenî ci de dinyaya xo bedelnayî û keyeyê kesê dinyaya xo bedelnayî do zîyaret bikerê. Eynî wextî de do heyet, cayê serebûtî de cigêrayîş bikero.

 

Ocaxa madenî ya qezaya Amasrayî ya Bartinî de facîayêk ame meydan û 40 karkerê madenî dinyaya xo bedelnayî. Heyetêkê HDPyî ke temsîlkarê hemserekê pêroyî yê HDPyî û heyetê îdarekarîyê merkezî ke Anqara û Stenbol ra ver bi Amasrayî kewtî rayîr.

 

Heyetê HDPyî de Temsîlkarê Hemserekê Pêroyî ra Şaziye Kose û Ridvan Turan û endamê Meclisê Partîye (PM) Huseyîn Taka û Endamê Kongreya Demokratîke ya Şaran (HDK) Zekî Tonbak bi ca yeno. Hemserek Turan û endamê PMyî Huseyîn Taka Anqara, Temsîlkarê Hemserekan Şaziye Kose û Zekî Tonbak zî Stenbol ra ver bi Bartinî kewtî rayîr.

 

Heyet, do cayê facîa ameyo meydan de cigêrayîş bikero û serdayîşê keyeyê merdeyan û birîndaran bikero.