KONYA - Bado ke camîî de seba cenazeya Nagîhane sela ame wendiş, bi seyan welatîyê dewe derbazê keyeyê Nagîhane bîyî. Kurdistan û Tirkîya ra zî xeylê kesî seba tewrbîyayîşê merasîmê cenazeye ver bi Golyazîyî ra kewtî rayîr.

 

Endama Merkezê Cigêrayîşî yê Jineolojî û akademîsyene-rojnamegere Nagîhan Akarsele verê keyeyê xo yê taxa Bextîyarî ya Silêmanîye de hêrişê çekdarî de 4ê teşrîna verêne de Başûrê Kurdistanî de amebî qetilkerdene. Badê çend saetan kerdox serê zextê cinîyan û welatîyan de ameybî tepiştiş.

 

Badê ameyîşê endamê keyeyê Nagîhan Akarsel û heyete HDPyî 8ê teşrîna verêne de cenaza Silêmanîye ra ver bi Hewlêrî ameye erşawitiş.

 

Serê sibayî Verfeka Meclîsê Cinîyan ya Partîya Demokratîke ya Şaran (HDP) Ayşe Acar Başaran, parlamenterê HDPyî Fatma Kurtulan, Dîlşat Canbaz, Abdullah Koç, Mehmet Ruştu Tîryakî ameyî dewa Akarsele Golyazîyî ke do cenaza ci de bêra definkerdiş.

 

Heto bîn de xeylê nuqtayanê cigêrayîşî de cendirmeyî ronîyayî rayîranê Kulu û Cîhanbeylîyî yê Konyaye ser. Rayîrê Karatepeyî ke şono dewa Golyazîyî zî hetê polîsanê trafîkî û cendirmeyan ra ameyî girewtiş. Welatîyê ke şinê dewe zî cigêrayîşê kamîye ra derbaz benê.

 

Bado ke camîî de seba cenazeya Nagîhane sela ame wendiş, bi seyan welatîyê dewe derbazê keyeyê Nagîhane bîyî. Kesê ke ameyî keyeyê Nagîhane fotografê aye berz kerdî. 

 

Kurdistan û Tirkîya ra xeylê kesî seba tewrbîyayîşê merasîmê cenazeye ber bi Golyazîyî ra kewtî rayîr.