STENBOL - Avûkata Parlamentera HDPyî ya Amedî Semra Guzele dîyar kerd ke îdareyê zîndanî waştişnameyê muwekîla aye bêcewab verdenê, nêvejenê falîyetê hempar û faksê ci nênê şawitiş.

Dimayê destnêdayîşê Parlamentera HDPyî ya Amedî Semra Guzele ame wedaritiş û nika zî bi binpaykerdişê heqan ê zîndanî dir rî bi û rî manena. Avûkata OHDyî Arzu Eylem Kayaoglu ke şî Zîndanê Silivrî ke Semra ci de yena tepiştiş, bale ant serê nêheqîyê ke zîndan de Semra rê yenê kerdiş.

 

Cewab nêdayî waştişnameyê aye

 

Arzuye da zanayîş ke Semra demek qawuşêk de bi tena sereyê xo ameye tepiştiş û vat: "Semra semedê bi kesêke verê qawişa aye de bimana, waştişname da labelê cewab nêame dayîş. Sewbîna tu waştişê Semra bi ca nênê û aye nêvejenê falîyetê hempar. Faksê muwekîla mi meclîs ra şêwirmendê xo rê şawitê estê labelê nê faksî zî nêresenê cayê lazimî.”