KONYA - Do cenazeya endama Merkezê Cigêrayîşî ya Jinolojî, akademîsyene, nuştoxe, rojnamegere Nagîhan Akarsele do siba bîyarê Anqara.

 

Bajarê Silêmanî yê Başûrê Kurdistanî de 4ê teşrîna verêne de hêrişê çekdarî hemverê endama Merkezê Cigêrayîşî yê Jinolojî, akademîsyene, nuştoxe, rojnamegere Nagîhan Akarsele de ame kerdiş û dinyaya xo bedelnaye. Cenazeye Nagîhane hetê cinîyan ra bi sloganê "Jin jiyan azadî" ver bi Hewlêrî ra ameye oxirkerdiş. Ame zanayîş ke do cenazeya Nagîhane siba bîyarê Anqara.

 

Goreyê zanayîşê ke ameyê girewtiş, semede karê burokratîkî qedîyayî, keyeyî dîyar kerd ke semedo ke hîn belgeyî nêresayî saeta karî yê Wezîrîyê Weşîye yê Hewlerî, do cenazeya  Nagîhane ewro zî nêarê. 

 

Ame zanayîş ke do siba bi teyare saete 13.00ine de cenazeya Nagîhane bîyarê Anqara.

 

Do merasîmê girseyî bêro kerdiş

 

Do cenazeya ke bîyarê Anqara, berê Sazgehê Tipê Edlî  (ATK). Dimayê karê ATKyî do cenazeya Nagîhane berê dewa Golyazi ya Cihanbeyliyê Konyayî ke Nagîhane ameya dinya. Do cenazeye Nagîhane hetê cinîyan ra bi merasîmêkê girseyî bêro definkerdiş. 

 

Sewbîna do şîn banê keyeyê Nagîhane yê  Golyazî de bêro ronayîş.