Oznur Deger

 

WAN - Vervatoxa Meclîsê Cinîyan ê DBPyî Aynur Sarica derheqê  komployê 9ê teşrîna verêne de qisey kerd û vat: "Fikrê, ‘cinîya azade, komelê azad’, nuqtaya awankerdişê têduştîya azad û cigêrayîşê heqî û azadîya cinîye de, rolê ma cinîyan ano vîr û rolêkê muhîm semedê vernîakerdişî de kay keno."

 

Serê komployê mîyanneteweyî yê hemverê Rayberê PKKyî Abdullah Ocalanî de ame destpêkerdiş de 24 serrî derbaz bî. Komployê 9ê teşrîna verêne ke sey komployê tewr pîl ê dinya  yeno ercnayîş, bi hemkarîya Ewopa, Rojhelatê Mîyanên û hemkarîya xeylêk welatan de bi ca ame. Xoverdayîşê şarê Kurdî hemverê komployî dewam keno.

 

Vervatoxa Meclîsê Cinîyan ê  Partîyê Herême yê Demokratîkî (DBP) Aynur Sarica derheqê 24ine serrgêra komployê mîyanneteweyî yê hemverê Rayberê PKKyî Abdullah Ocalanî de ame destpêkerdiş de ercnayîş kerd.

 

‘Nêeşkayî paradîgmayî heps bikerê'

 

Aynure bale ant serê tecrîdo giran ê serê Rayberê PKKyî Abdullah Ocalanî û vat, 9ê teşrîna verêne de 1998ine de heta 25ê Sibata 1999ine prosesê komployî bi ca ameyo. No proses verê pêro çimanê dinya de bi ca ame. Dewletê emperyal û kapîtalîstî planê ke lîderê şarêke senîn heps bikerê, dayî werte. Seranserê dinya de no komplo ame plankerdiş. 24 serrî derbaz bi. Amanc paradîgmayê demokratîk azadîwaştox ekolojîk û azadîya cinî heps bikerê bi. Sebebê tecrîdî zî oyo la tu çîyêk vernîya nê fikrî nêgirewt. Sere de cinîyan û pêro şarê Kurdî wayîrê fikr û paradîgmayê Birêz Ocalanî vejîyayî. Ewro bi çalakîyê girseyî no baş yeno vînayîş."

 

‘Cinîya azade komeleyo azad a’ 

 

Aynure daye zanayene ke heta ke cinî azad nêba komel zî azad nêbena û wina vat: “Zihnîyeto ke waşt cinî û komel no fikrîyatî ra dûrî bifîno ser nêkewt. Serr bi serre têkoşîn zêdêr xurt beno. Tarîxê netew dewletan heta nika cinî çinî hesibnayî. La Birêz Ocalan çarçeweya fikrîyatê xo de azadîya cinî esas girewt.  Fikrê ‘Cinîya azade komelo azad a’ nuqtaya awankerdişê hemcuya azade, cigêrayîşê heq û azadîya cinîye de rolê ma cinîyan vîr ard û rolê muhîman seba vernîakerdişî kay keno. Îqtîdarî zî bi terse çinîbîyayîşî hêrişê vera cinîyan zêdîna. Protestoyan de reyna ê ke vernî de yî cinî yî. Yê ke hedef ameyî girewtiş reyna cinî bî yî. netîceyê têkoşînê cinîyê kurdan de dinya rê mîrasêk ame verdayîş. Wexto ke îqtîdar terseno, hêrişkar beno. Coka ra taktîkanê neweyan vera cinîyan de aver beno. Têkoşînê cinîyanê kurdan babeta vatişî ya. Cinîyê pêroyê cîhane bibî yew do tecrîd bişiknî.” 

 

‘Azadî şikitişê tecrîdî yo’ 

 

Aynure dîyar kerde ke çarçeweya komployî de cinî bi siloganê ‘Ma ver bi azadîye ra rayîr şinê’ de xeylê bajaran de çalakî û programan pê ardî û qiseykerdişê xo wina qedênaye: “Tesîrê tecrîdî yê serê ma zêde yo. Azadîya şikitişê tecrîdî yo. Ma do polîtîkaya tecrîdî û şerî bişiknî û rayîrê azadîye ra şêrî. Ma do rayîrşîyayîşê ‘Ma ver bi azadîye ra rayîr şinê’ pê bîyarî. Ma veng danî pêro kesan ke tewrê rayîşîyayîşî bibî.”