Hêlîn Asmîn

 

QAMIŞLO - Hemraya Arîn Mîrkane, Necbîr Agîrîye derheqê serrgêra çalakîya fedaîya Arîn Mîrkane de qisey kerd. Necbîre bale ant serê çeqê Şorişê Rojawanî û wina vat: "Bi hezaran ciwanê kurdî ameyî Kobanî, hemverê çeteyê DAÎŞî de şer kerdî. DAÎŞî şerê Kobanî de waşt, zorê Şorişê Rojawanî bero, la nêresa amancê xo. Çeqê 19ê Temmuze her ke şîne vîla bîne. Amancê çeteyan zî vindîkerdişê nê bi. La embazê sey Arîn Mîrkane çeqê Şorişê Rojawanî geş kerd." 

 

Hezîranê 2014ine de çeteyê DAIŞî  bajarê Mûsil û Reqa îşxal kerd û Reqa sey paytext neql kerd. Kantonê Kobanî hîrê hetî ra kerdî binê abluqa û dest bi hêrişanê cîya kerdî. Nê hêrişî heta 15ê êlule dewam kerdî. Hêrişê serê Kobanî 15ê êlule de dest pêkerd.

 

Çeteyan hêrişê herême kerd û bi hawayêkê wehşet xeylêk kesan qetil kerdî. Sewbîna bi sebebê koçberî. Hemverê nê Yewîneyê Pawitişê Şarî (YPG) û Yewîneyê Pawitişê Cinîyan (YPJ) tena bi çekê takekesî û bi hûmarêke tay şer kerdêne. Dima ra  Kobanê ame xelaskerdiş. Serê babete de hemraya Arîn Mîrkane ke şerê Kobanê de ca girewta, Necbîr Agîrî qisey kerd.

'Çalakîya Arîn Mîrkane semedê ma bî nimûne'

 

Necbir Agirî destpêkê qiseykerdişê xo de wina qalê vîardişê Kobanê kerd û wina vat: "Ez destpêk de şexsê Arîn Mîrkane de heme şehîdê ke semedê  rûmetî canê xo feda kerdê ana vîr. Şerê Kobanê ke ame kerdiş tu wext nêno xovîrrakerdiş û do bikewê rîpelê tarîxî. Semedê temamê dinya de şerêke bi nê metodî nêameyo kerdiş.  Her tutê ke Kobanê de şer kerdî û resayî sewîyeya şehadetî, tutê nê şarî bî. Xoverdayîşê Kobanê verda ke dinya pêro derûdora Rojawanî de bibo xeleke. Nê wextî de rolê her şerwanêke zaf muhîm bî, her şerwanê ke nê şerî de ca girewtê zî ferqê nê de bî. Çalakiya Arîn Mîrkane bî nimûneyê û çalakiya têkoşînî bî.

 

'Arîn Mîrkane çeqê Şorişê Rojawanî geş kerd'

 

Necbîre dewam de wina vat: "Bi hezaran ciwanê kurdî ameyî Kobanê, hemverê çeteyê DAÎŞî şer kerdî. DAÎŞî şerê Kobanî de waşt zorê Şorişê Rojawanî bero. Semedo ke şorişê Rojawanê Kobanê dest pêkerd la nêresayî amancê xo. Çeqê 19ê Temmuze her ke şîne vila bîne. La embazê sey Arîn Mîrkane çeqê Şorişê Rojawanî geş kerdî. Xoverdayîşê şerwanan planê Erdogan û yê çeteyê ci, berdî. Eynî demî de dayîkê Kobanîyan paştdayîşê şerwenan kerd."

 

'Girêdayîşê cinî yê bi herre û welatê xo verda Kobanê xelas bibo'

 

Necbîrê da zanayîş ke Rêwan û Arîne bîyê çeqê 19ê Temmuze û wina vat: ''YPJ bi sembolê şerê Kobanî, bi xoverdayîşê xo îlham da temamê dinya. Koban de tena Arîn Mîrkan ney, xeylêk embazan dimayê embaza Arîne nê metodî kerdî. Înan ra yew zî embaza Rêwane bî. Rêwane hema newe tewrê refê YPJyî bîbî la semedê Kobanê Girê Miştenûrî de çalakiya fedaî kerd. Bi çalakiya Rêwane û xeylêk embazê sey înan hema zî no çeq geş mendo. Ma heme ca de rastîyê fikr û felsefêyê Rayber Apo dî. Welatparêzîya cinî heme wextî xoverdayîşî de xo dano diyarkerdiş. Şerê Kobanê de girêdayîşê cinîyan bi herre û welatê xo dir verda ke Kobanê xelas bibo."