AMED - Avûkatanê rojnamegerê kurdî yê ke 16ê Hezîrane de Amed de ameyî tepiştiş, , bi sebebê "tepiştişê rojnamegeran bêhuqûqî yê" muracatê Dadgeha Qanûnê Bingehîn kerd. 

 

8ê hezîrane de çarçewaya cîpersayîşê Komare ya Amedî de 20 ci ra rojnamegerî bi pêroyî 22 kesî bi îdiayê “endamîya rêxistine” ameyî destbendkerdiş û 16ê Hezîrane de zî 16 rojnamegerî ameyî tepiştiş. Avûkatanê rojnamegeran, seba tepiştişê rojnamegeran muracatê Dadgeha Qanûnê Bingehîn (AYM) dayî. Muracatê avûkatan de ame dîyarkerdiş ke tepiştişê rojnamegeran bêhuqûqî yo, rojnamegerê kurdî seba xebatê xo yê meslegî yenê tepiştiş û no zî yeno manaya binpaykerdişê heqê asayîşî û azadiya fehmî. Sewbîna avûkatan diyar kerd ke hêrişê bîyaye seba bêdengkerdişê çapemenîya kurdî û bisînorkerdişê wareyê munaqeşeyê siyasî yenê kerdiş û meşrû nêyê.