WAN - Herêma Serhedî de xeylêk kesî seba  rayîr ra şîyayîşê Cûdî bibê nîmeyê şewe Wan ra kewtî rayîr.

 

Bi rayberîya KCD, TJA, DBP, HDP û Tevgerê Ekolojî yê Mezopotamya, do ewro bi sloganê “Ma hemverê rijnayîşê  şer û talankerdîşê xoza rayîr ra şinê" ver bi Koyê Cûdî yê Şirnexî. Seba rayîr ra şîyayîşî herêma Serhedî ra zî kewtî rayîr.  Temsîlkarê Hemserekê Pêroyî yê HDPyî Tayîp Temel, parlamenter Mûrat Sarisaç, temsîlkarê rêxistinê sivîl yê komelî û xeylêk kesî saetê şanî de verê bînaya Rêxistina HDPyî Wanî de ameyî têhet.

 

Polîsan vejîyayîşê bajarî de wesayîtê ke seba kesê tewrê rayîr ra şîyayîşî vindarnayî. Kesê ke demêkê derg ameyî vindarnayîş, nasnameyê înan ameyî kontrolkerdiş. Dimayê ke polîsan nasname bi wendişê nameyan kerdî, welatijan bi kurdkî vat, “ez tîya ya". Balkêş bi ke polîsan vat, “bi kurdkî qisey meke”. 

 

Endamê partîye û ekolojîstî dimayê kontrolkerdişê idşê nasnameyan kewtî rayîr. Bedlîs de werd werdî. Dima ra govende kerdî û bi sloganê, “Biciwîyo xoverdayîşê Cûdî” , “Biciwîyo Serek Apo” û “Biciwîyo xoverdayîşê zindanan” ameyî berzkerdiş. Endamê partîye û ekolojîstê çend bajaranê bînan zî tewr bî, dima ra ver bi Şirnex kewtî rayîr.