Zelal Tunç

 

WAN - 23yê êlule de bi sloganê, "A roje do berz bo, o wisar do bêro" 3ine Festîvala Tîyatroyî ke 8 rojan dewam bikero, do dest pêbikero. Kaybaze û xebatkara ŞanoWanî Perînaz Delazye derheqê festîvale de qisey kerd û vat: "Bi kayanê xo pêwa her çî ma hêvî danê. Ez pêro şarê Wanî dawetê festîvale kena."

 

Wan de ŞanoWan bi sloganê, "A roje do berz bibo, do wisar bêro" mabêne 23-30ê êlule de 3ine Festîvala Tîyatro bêro kerdiş. Sahneyê ŞanoWanî yê Perîhan AVMyê qezaya Îpekyolu yê Wanî de do 8 rojan festîvale dewam bikero. Amadekarîyê festîvale bajar de dewam kenê. Kayê, sey ‘Cuye to ra zaf hes kena", ‘Tena ez’, ‘Serbaz’, ‘Ti gara nêyê’, ‘Buka Lekî’, ‘Cinîyêke şîyar bena', ‘Pirimis’, Hinek henek’, ‘Dek û Dolabê scapen’ do bêrê kaykerdiş.

 

Kaybaze û xebatkara ŞanoWanî Perînaz Delazye derheqê amancê festîvale de qisey kerd.

 

Perînaze da zanayîş ke di rojî verê afîşî ameyê daliqnayîş û eleqeyêkê pîl yeno mojnayîş û vat: “Amancê ma hemine bajaran de tîyatroyê  kurdkî bêro kaykerdiş û averşîyayîş. Ma wazenê ke temaşekerdoxî bi cil û belgê adetî, tewrê akerdişê festîvale bibê. Amancê ma ciwîyayîşê kulturê kurdan o."

 

‘Ma hêvî danê'

 

Perînaze bale ant serê festîvale û vat: “Festîvale hêvî dana. Sloganê ma vano ke, se beno wa bibo, do wisar bêro. Ma Wan de verê bi Tîyatroyê Mencel xo resnayîne, girseyê xo. La nika ma nameyê xo sey, ŞanoWan vurna. Ma reyna vejênê vernîya temaşkerdoxanê xo. Seba pandemî û seba demêkê derg o Wan de tîyatro nêno kerdiş, ma festîvale kerd. Ma hîrêne organîze kenê."

 

Perînaze vat, bi berardişê 'Cuye ez to ra zaf hes kena' ê nuştox Samî Çomako ke 28 serrî yo tepişte yo, akerdişê xo bikerê û vat, amancê înan oyo ke bale biancê serê şertê zîndanî û berardişê bierja nuştox Samî Çomakî. 

 

Ma cinîyan pawenê

 

Perînaze tewr peyîn qiseykerdişê xo de bale ant serê kaya bi nameyê, ‘Cinîyêke şiyar bena’ û vat, tîyatro de cuya cinîyêke xurt ê têkoşînêk pîl ciwîyena, zor zehmetîyan dana yeno vatiş venga pêro cinîyan kerd ke bi taybetî ê cinîyan tîyatro rê pawenê.

 

Perînaze bernameyê festîvale wina rêz kerd:

 

“*23yê êlule roja îne saete 20.00 de ‘Cuye to ra hes kena'

 

*24ê êlule roja şemeyî saete 15.00 de ‘Cuye to ra hes kena'

 

*24ê êlule roja şemeyî saete 20.00 de ‘Serbaz’ 

 

*25ê êlule roja yewşeme saete 15.00 de ‘Cinîyêke şîyar bena'

 

*25ê êlule roja yewşeme saete 20.00 de ‘Pirimis’   

 

*26ê êlule roja dişeme saete 15.00 de ‘Ti Gara nêyê'

 

*26ê êlule roja dişeme saete 20.00 de ‘Buka leki’ 

 

*27ê êlule roja sêşeme saete 15.00ine de Hinek Henek 

 

*27ê êlule roja sêşeme saete 20.00 de Hinek Henek 

 

*28ê êlule roja çarşeme saete 15.00îne de Hinek Henek 

 

*28ê êlule roja çarşeme saete 20.00 de ‘Dek u dolabê Scapen’ 

 

*29ê êlule roja şemeyî saete 20.00 de ‘Tena ez’

 

*30ê êlule roja îne saet 20.00 de  ‘Hay lo reyna gina têmîyan ro'