STENBOL - Aktivîstê Ekolojî, temsîlkarê partîyê çep-sosyalîstî yê Stenbolî kewtî rayîr û seba rayîr ra şîyayîşê Cûdî ver bi Şirnexî de şinê û vatî: “Seba ma qirkerdişê daristanan, qirkerdişê ekoloji, polîtîkayê şerî ra vajê nê û aştî, xoza bipawê, ma kewenê serê rayîrî.”

 

Derheqê rayîr ra şîyayîşê birnayîşê daran ê Şirnexî dewam keno, do ver bi Cûdî de bi rayberîya Tevgerê Ekolojî yê Mezopotamyayî, TJA, HDP, DBPî rayîr ra şîyayîş bêro kerdiş. Do bi sloganê, "Ma hemverê rijnayîşê şer û talanê xoza rayîr ra şinê" xeylêk bajaranê Kurdistan û Tirkîya de ver bi Koyê Cûdî yê Şirnexî de rayîr ra şîyayîş bêro kerdiş. Na çarçewa de xeylêk kesî Stenbol ra ver bi Cûdî de kewtî rayîr.

 

Vejîyayî serê rayîrî

 

Bi seyan aktivîstê ekolojiyî, rêxistinê girseyê demokratîk, temsîlkarê partiyê çep-sosyalîst xeylêk pawitoxê cuye yê otogarê Esenler, Alibeykoy, Dudullu, Hareme ver bi Amedî kewtî rayîr. Otogarê Hareme de eşkerayî ameye dayîş.

 

Aktivîstê Ekolojî ra Polen Cemil Aksu bale ant serê birnayîşê  daran ê qilê Cûdiyî û vat, îqtidar rejîmê xo yê rantî û bêhuqûqî dewam keno. Cemilî vat, ê do têkoşînê xo yê hemverê qirkerdişê xoza heta peynî dewam bikerê. 

 

Temsîlkara Serekîya Pêroyî ya Partiya Şorişgêr Burcugul Çubuk da zanayîş ke qirkerdiş vindero, ê kewenê rayîr û vat, ê seba paştdayîş bidê têkoşînê şarê Şirnexî kewenê serê rayîrî.

 

Dima ra ver bi Amedî kewtî rayîr.