AMED - Qezaya Sûrî de seba pêrodayîş û koçberî, sewbîna seba pandemî ke her kesî xo nêeşkayîne biresno perwerde, seba 15 wendekaran kampanyaya musnayîşî ameye destpêkerdiş. Endama Heyetê îdarekarîya Çocuk-Ça-Der Fatma Gulan Onkol da zanayîş ke pêro sazgehê bajarî wayîrê kampanya vejîyê.

 

Komeleya Xebatê Tutan (Çocuk-Ça-Der) hetê aktîvîstê heqê tutan de 2018ine de Amed de ameye awankerdiş. Komele çarçewaya xebatanê xo de 2020î de rojê Fîlman ê onlîne yê Çocukça organîze kerd. 2021ê de şî vurnayîşî û bi amancê paştdayîşê akademîkî yê tutan, caardişê xebatê kulturî, komelî, psîko-sosyal barkerdî Sûr.

 

Çocuk-Ça-Der seba 15 wendekarê ke îmkanê înan xo biresnê perwrede çin o, kampanyaya musayîşî dayî destpêkerdiş.

 

Endama Heyetê Komeleye Fatma Gulan Onkol derheqê kampanyaya ameya destpêkerdiş de ercnayîş kerd.

 

'Keyeyî bi qesawet nêzdî benê’

 

Fatma bale ant serê amancê awankerdişî û wina vat: “Seba cayî ma Sûr de komela akerd. Sebebê ma yê ameyîşê Sûrî o bi ke ma bale biancê serê prosesê pêrodayîşî ame ciwayîyayîş û prosesê pandemî ke tesîrêk senîn kerdo. Ma bi tutan reyde bernameyê paştdayîşê psîkolojîkî kerd, ma hem rehberî kerd hem zî ma paştdayîşê seba perwerdeyî da. Demo ke ma newe ameyî qeza, şarî dir seba pêrodayîşan tersêkê estbi. Seba nê keyeyî bi qesawet nêzdîyê ma bîne. La bi ameyîşê wendekaran reyde no ame şikinayîş.”

 

‘Ma Baglar û Sûr de xebatan kenê’

 

Fatma tewr peyîn wina vat: “Seba nê ma bi metodêkê cîya nêzdî bî. Wareyê xebatê ma Baglar û Sûr bi. La bi taybetî ma Sûr de xebatan kenê. Ma şer, rastîyê sîyasî û ekonomî verê çiman de gênê û xebatan kenê. Wendekarê ke seba krîzî nêeşkenê biwanê estê. Ma paştdayîş danê înan. Ma kampanya da destpêkerdiş. Wendekarê ke demê îdarekarîyê herêmî de newe dest bi mektebî kerdibî, emsar do bikewê imtihan. La nê tutî  mîyanê şerî de pîl bî. Seba nê xo resnayîşê perwerdeyî zaf zehmet bi. Ma hedef kerd ke ma kêmasîyê bîyaye çareser bikerê. Ganî ma seba nê tutan çîyêk bikerê. Ganî pêro sazgehî paştdayîş bidê na kampanya.”