Dîlan Babat

 

ANQARA - Heyetê Pêroyî yê 67ine ê Baroyê Anqarayî de 8-9ê teşrîna verêne de yeno organîzekerdiş û yewin namzeda cinî Sevînç Hocaoglullari bale ant serê modelê baroyê demokratîke û vat: “Ma do baroyêkê tewr zêde heqê vatişê cinî û ciwanan derbazdar bikerê cuye.”

 

2yê êlula 2020ine de Tirkîya de sîstemê ‘baroyê xeylî” ame bicaardiş û dimayê nê Baroyê hûmara 2yîn ê Anqara û Stenbolî ameyî awankerdiş û nê dir zî hûmara baroyê merkezî bi 83. Baro seba îdarekarî û serekê neweyî dîyar bikerê, aşma teşrîna verêne de heyetê pêroyî bi ca bîyarê. Ê Anqarayî do 8-9ê teşrîna verêne de heyetê pêroyî yê 67ine Merkezê Huner û Kongreyê Nazim Hikmetî de bêro kerdiş.

 

Yewine namzeda cinîyan a Baroyê Anqarayî namzeda Koma Avûkatanê Hemdem ê Azadîwaştoxan (OÇAV) Sevînç Hocaoglullari derheqê babete de qisey kerd.

 

‘Sey ke temsîliyetêkê sîmgeyî yo nîşan danê’

 

Sevînçe vat, ê girîngî danê namzedê cinî û vat: “Wareyê ke cinî kêm aktif ê, ma bi hetê kamî, çira cinî çinbîyaye yenê hesibnayîş reyde eleqedar benê. Netîceyê hewldayîşê

 

demokratîke yê OÇAVî de cinî xora têkoşînê huqûqî de vernî de yê. Cinîyê ke têkoşînê huqûqî de vernî de yê. Mekanîzmayê qerar û vatişî de zî do vernê de bê. Averşîyayîşêkê demokratîkî OÇAVî esto. Seba nê zî têkoşînê heqê merdiman de zî, têkoşînê cinîyan de zî têkoşînê huqûqî de zî embazê ma zî yê cinî vernêye lîsteyê ma de ca girewtî. Babeta namzedî de cinîyan de vatişê, ‘Ay çiqas weş o cinîye bîya namzed’ estê. Seke temsîliyetêkê sîmgeyî yê nîşan danê. Çîyê ke cinî heq kena ya û ganî wareyê temsiliyetî, mekanîzmayê qerarî de, heyetê baro û serekîyan de cinî ca bigîrê. OÇAVî zî listeyêk wina amade kerd. Embazê ma yê cinî û ciwanî zêde yê. Embazê ma yê ciwanî kewenê mesleg. Seba ke baro de serdestîyê camêrdan esto, probleme avûkatanê cinîyan nêno vînayîş. Bi ewnîyayîşê camêrdî problemê meslegî ewnîyenê. Ma eşkenê bi lîsteyêk ke hem cinî, hem ciwanî tede ca gênê,  baroyê Anqereyî îdare kenê.”

 

'Hukmêk senîn, avûkatîyêk senîn?’

 

Sevînçe vat, îqtîdar mudaxaleyê baroyê Anqarayî keno û vat,  Merkezê Heqê Merdiman ê Baroyê Anqarayî waşt ke raporê îşkenceyî merkeze destbendkerdişî weşan bikero, la hetê îdarekarîyê baroyî ra ameyo astengkerdiş, sansurkerdiş û vat: “Serê nê krîzî de îstîfa ameyî ciwîyayîş. Tirkîya de prosesêkê bi tevger yeno ciwîyayîş. Hukmêk rijnaye esto. Nameyê dozgeran çîyê senînan de yeno rojeve. Ma sey lingê pawitişê seba serekîya heyetê pêroyî yê hemverê baroyî talib ê. Hukmêk senîn, avûkatîyêk senîn? Hewcedariyê ma bi baroyêk ke têkoşîn keno esto. Hukm û huqûq serûbin bîyo. Hemverê nê  rijnayîşî û rayîrvejîyayîşê ganî ma vatişê xo vajê. Yê ke vatişê xo vajî zî baro yê.”

 

‘Avûkatî zî betal û feqîr yenê verdayîş’

 

Sevînçe dewam de wina vat: “Avûkatî do têkoşînê edalet û huqûqî senîn bide? Baro uca de do kam ci pozîsyonî de bo? Nê persî girîng ê. Sewbîna Tirkîya krîzêkê ekonomîye giranî de ya.  Demo krîz yeno vatiş, avûkatê ke heqê karkeran pawenê yenê hişê merdiman. La avûkatî zî feqîr yenê verdayîş û benê karker. Meslegî bêîtîbar kenê. OÇAV wayîrê hêzê ke probleman çareser bikero yo.”

 

'Meslegê avûkatî vurnayî’

 

Sevînçe tewr peyîn wina vat: “Meslegê avûkatî vuryayo. Avûkatî çiqas xoser ê? Gelo heqdestêk merdimayî biciwîyê qezenc kenê yan ney? Ganî nê persî bêrê perskerdiş. Nê şertê ke ma heqdestê xo nêgînê de ma nêeşkenê qalê edaletî bikerê. Sey OÇAVî xebatê ma yê girîng estê. Baroyê Anqarayî yewin baroyê Tirkîya belgeyê polîtîka hemverê şîdetê cinsî yê komelî weşanêyo. No het ra mahewl da yewîneyê paştdayîşî bêrê awankerdiş. Ma do yewîneyan aktîf bikerê.”