Melike Aydin

 

AYDIN - Camêrdo bi nameyê Îsa yo ke îfadeyê Semra Turkana ke rastê hêrişê nîjadperestî amebî vat de û hewldayîşê tecawuzî hemverê aye de ame kerdiş, ame teşhîskerdiş la nêame tepiştiş. Îfadeyê Qereqola Cendermeyan de ame girewtiş zî ame zanayîş  ke hêriş sey hêrişêkê munferît bêro mojnayîş.

 

Semra Turkane dewa Arapdereyî ya qezaya Încirliovayê Aydinî de demo ke şina keyeyê xo newe girewto ewnîyena, bi hêrişê nîjadperestî û bi hêrişê cinsî reyde rî bi rî manena. Semra Qereqolê Cendermeyî de îfade da. Demo ke Semra dayîk û pîyê aye îfadeyê xo gênê, heqê avûkatî zî înan ra nêno perskerdiş. Semra xeylêk versucî teşhis kerd. Camêrdo bi nameyê Îsa ke ame îfade û ame teşhîskerdiş, nêame tepiştiş.

 

Avûkata Semra û eynî wextî de endama PMyê HDPyî Işık Arcan ke tewrê îfadeyî bî û vat, yeno waştiş ke na hadîse sey hedîseyêke munferît bêra mojnayîş. Semra vat, ê do sey HDP dewa taqîb bikerê.

 

'Travmaya hêrişî dewam kena’

 

Işıke diyar kerd ke travmayê hêrişî yê Semra û keyeyê aye dewam keno û vat: "Seba hewldayîşê tecawuzî hemverê Semra de ame kerdiş, psîkolojîya aye xira bîya. Nêeşkena keye de bi tena bimano û merdiman reyde têkilî rona. Ganî hetkarîya profesyonel bigîra. Demo ke qereqole de îfade ame girewtiş, na sey hedîseyêke rêze rab o û hêrişêkê munferît bo, ame mojnayîş. Seba tehdîdkerdişê tecawuzî îfade de ca nêgirewt, coka ma dozgerî seba zêdekerdişê îfadeyî destur waşt. Semra, eşgalê kesê ke ameyî îfade, tespît kerd. Ma name zî da.

 

Heqê avûkatî zî nêameyo perskerdiş

 

Işike dîyar kerd ke hem serê nameyê rêxistinê cinîyan hem zî serê nameyê HDPyî de tewrê dewa bibê û vat: “Îfadeyê ewilî bi avûkatî reyde girewtê. Heqê avûkatî nêameyo vîrardiş zî. Tu îfadeyî de avûkatî çin ê. Ameyo waştiş serê hedîse ganî bêro padayîş. Bawer a cor de zî tedayêkê wina ameyo kerdiş. Demo ke ma  qereqole ra vejîyayî, meclîsê MHPyî zî waşt ma vejîyê. Hem tedayê cinsî, hem zî cinsî esto. Eke serê hedîse bêro padayîş, do kêfweş bibê la ma do panêdê.”

 

'Fam kerdî ke ma fek hedîse ra vera nêdanê’

 

Işike da zanayîş ke seba hedîse sey hedîseyêke rêze bêro aseyîş, hewldayîşêkê bîyo û vat: “Ma wexto ke vat, ma şêrê dewe kesan teşhis bikerê, vatî kes dewe de çin o, her kes şîyo kar. Demo ma vat, madem hende camêrdî xebityenê, eynî ca de bi eynî hawa senîn vindenê? Cewabê pers ama nêdayî. Fam kerdî ma fek hedîse ra vera nêdanê. Parlamenterê HDPyî zî gêrayî. Înan zî vat do babete reyde eleqeder bibê û do pêşniyazîname amade bikerê.”

 

Hêrişêkê organîzekerde esto

 

Işıke vat, no hêriş organîzekerde yo û vat: “Fam kerde, keye şêro dewe, agahî ameya dayîş û no hêriş ameyo organîzekerdiş. Labelê ma do taqîbkerdoxê na hedîse bibê. Heta ê kesî ceza bigîrê çi destê ma ra bêro ma do bikerê.”