ÎZMÎR - Keyeyê ke roja 111ine ê Nobeta Edaletî ke verê Baroyê Îzmirî de venga veradayîşê Aysel Tugluke û heme tepişteyan kerdî. Keyeyan vatî: “Ey Wezaretê Dade ça yo edaletê to?"

 

Nobeta keyeyê merdimanê tepişteyan ê seba tepişteyanê nêweşan û yê ke înfazê înan ameyê veşnayîş bêrê veradayîş, roja 111ine de verê Baroyê Îzmîrî de dewam keno. Merdimê tepişteyan ê beşdarê nobete bî, pankartê bi nuşteyê "Bibê vengê zindanan", "Wa tepişteyê nêweşî bêrê veradayîş" dayî xo ra. Rêxistina HDPyî ya Foçayî paştdayîş da nobete. 

 

Hemsereka HDPyî ya Foçayî Mukaddes Işik da zanayîş ke waştişê dayikan oyo ke tutê înan bêrê tedawîkerdiş û vat, nêtedawîkerdişê tepişteyê nêweşî nêno qebûlkerdiş.

 

Îdarekara HDPyî ya Foçayî Remziye Baltaş da zanayîş ke ganî Aysel Tugluk û heme tepişteyê nêweşî bêrê veradayîş û vatî, ey Wezaretê Dade ça yo edaletê to.