MERKEZÊ XEBERAN - Kampa Holî de çarçewa Operasyonê Asayîşî û Merdimîye de cinîyêka bîne ya êzidîye ameye xelisnayene.

 

Goreyê ajansê ANHA roja 20ine ya Operasyonê Asayîşî û Merdimîye de Kampa Holî de cinîyêka bîne ya êzidîye hetê YPJyî ra ameye xelisnayene.

 

3ê êlule de zî cinîya êzidîye Wefa Elî Ebbasa ke wexto ke 9 serre bîye Şingalî ra amebî remnayene, hetê YPJyî ra amebî xelisnayene.

 

Wefa Elî Ebbas vizêr teslîmê Têgêrayîşê Azadîya Cinîyan ê Êzidîyan (TAJÊ) amebî kerdene û Xanesor de resaye keyeyê xo.

 

Operasyonê Asayîşî û Merdimîye yê Hêzanê Asayîşê Zereyî yê Rojawanî bi paştdayîşê hêzanê Hêzê Sûrîyeya Demokratîke (HSD), Yewîya Pawitişê Cinîyan (YPJ) û Yewîya Pawitişê Şarî (YPG) ra yeno kerdene.