STENBOL - ÎSÎGî neql kerd ke heşt aşmî yo serra 2022yîne de hezar û 202 karkeran dinyaya xo bedelnaye.

 

Meclîsê Weşîyeya Kar û Asayîşê Karî (ÎSÎG) raporê xo yê serê cînayetê karî yê xeylêk wareyê cîya yê karê sey ramitişî, daristan, maden û tersane yê 8 mengî destpêkê yê serra 2022ine eşkera kerd. ÎSÎGî dîyar kerd ke menga tebaxe de 186 karkeran dinyaya xo bedelnayê û eynî wextî de prosesê 8 mengan de hezar û 202 karkeran dinyaya xo bedelnayê.

 

186 karkeran dinyaya xo bedelnayê

 

ÎSÎGî raporo ke neql kerd de menga Çeleyî de 120, sibate de 109, adare de 122, nîsane de 129, gulane de 176, hezîrane de 189, temmuze de 171 û tebaxe de 186 karkeran dinyaya xo bedelnayî. ÎSÎGî vat, tewr zêde merdişî baskê karî yê ramitişî, înşaet û rayîr de ameyê meydan. ÎSÎGî da zanayîş ke karkerê merdeyî tena sera 2,99 sendîkayî yê. 

 

64 karkerê ke ma emrê înan nêzanê dinyaya xo bedelnayê

 

Rapor de ame vatiş ke 80 hezar 202 karkerê 8 mengan de dinyaya xo bedelnayê cinî yê. Derheqê emrê karkerê ke dinyaya xo bedelnayî, nê dayeyî ameyî parekerdiş: “18 karkerê tutî yê 14 serrî û ci ra kêmî 30 tutî/karkerê ciwanî yê mabêne 15-17 serre yê, 182 karkerê mabêne 18-27 serrî de, 585 karkerê mabêne 28-50 serre de 249 karkerê emrê înan mabêne 51-64 serre de 74 karkerê 65 serre û 64 karkerê ke ma emrê înan nêzanê, dinyaya xo bedelnayê.”

 

Rapor de ame vatiş ke wareyê xebate yê nêasayîşî bi prosesê pandemî de tewr hîra bî û bale antî serê zêdebîyayîşê karkerê ciwanan. Rapor de ame vatiş ke netîceyê polîtîkayê neolîberalî yê hukmatî de welatijê serrê 60 û 70î de wareyê sey ramitişî û înşaetî xebityenê û xeylêk welatijê nê emrî ra bêçare manenê ke berardişê mîyanê kuçeyan de kom bikerê.