Melîke Aydin

 

ÎZMÎR - Rojnamegere-nuştoxe Încî Hekîmoglu da zanayîş, rojnamegerê ke her tim teda serê înan de esto, rojnamegerê kurdî yê û îqtîdar û sendîkayê ke sebebê bêvengîya rayaumumî ganî bivurnê.

 

Tedayê yê hemverê çapemenîye roj bi roje zêde bene. Herêma ke tewr zêde teda ci de estê zî bajarê kurdan ê. 8ê Hezîrane de netîceyê sereştişê keyeyan de xeylêk kesî ameyî destbednekerdiş û tepiştiş û mîyan de mudûra xeberan ê ajansê ma Safiye Alagaş zî ci de 16 rojnamegerî 16 hezîrane de ameyî tepiştiş. Nuştoxe-rojnamegere Încî Hekîmoglu tedayê derheqê çapemenîya kurdan de ajansê ma rê ercnayîş kerd.

 

‘Teda serê rojnamegeranê kurdan de esto’

 

Încîye destpêkê qiseykerdişê xo de bale ant serê eşkerayîyê lîderê mafyayî Sedat Pekerî yê derheqê rojnamegerê bi MÎTî reyde xebityenê û vat, prosesêko yeno ciwîyayîş derbazê tarîxê çapemenî û sîyasî beno yo. Încîye wina vat: “Ma ver bi weçînayîşan û berpirsyariyê çapemenîye tewr zêde bîyo. Eşkerayîya Sedat Pekerî, persa verê rojnamegerî çiqas serkewtebî ano hişê merdimi. Çîyo ke vano, kiştişê nêdîyar ê Kurdistanî dir xeylêk girêdaye yo. Bi nê vatişan, bîyayîşê JÎTEMî, awankerdoxê ey û aktorê uca de kay kerdê anê vernîya ma. Ma xeylê nê xeberan xebatkarê çapemenîya kurdî ra girewtî. Her tim yê ke teda serde bî Rojnamegerê kurdî bî. Ewro zî rastî neêvurya. Vernê de rojnamegerê kurdî bêveng kenê. Seba ke ê xeberanê heme çimsûrîyê dewleta ceberut viraznenê.”

 

Çapemenîya terefgire verê zî bêveng mendebî

 

Încîye vat, çapemenîya terefgire sey her wextî bêveng menda û wina vat: “Keştîya amîrala Hurriyetî verê çîyê amebî ciwîyayîş, qelibnayîne û ma weşanê înan baş zanê û ma weşanê înan baş zanê. Seba nê zî çapemenî hem vernîya darbeyî hem zî dimayê darbeyî rejîmî serê lingan de girewto. Nê prosesî de êdî tu çîyêk nimite nêmaneno û her çî deşifre beno. Ma verê zî zanayîne rojnamegerê bi îstîxbaratî dir xebêtênê estê. Heta demêkê lîsteyê înan zî ame weşanayîş. Ma ewro zî bi caardişê nê kesan dir yenê rî bi rî.”

 

‘Muxalefet bê îqtîdarî do reyna çapemenî bido quncikê sereyîn’

 

Încîye qiseykerdişê xo wina dewam kerd: “Muxalefet bi tifaqê ke awan kerdo eke qezenc bikero do reyna çapemeniya hetgire bi eynî polîtîkayan bikero. Ma nika de vînenê ke çapemenîye xo sey muxalîf bi name kena, rîyê lêşin yê dewletê sansur kena û weşan kena. Muxalefet bê îqtîdar do çapemeniya hetgire reyna bido quncikê sereyîn.”

 

‘Ganî partî rayaumumî bikero tevger’

 

Încî bale ant serê 16 rojnamegerê ke Amed de ameyê tepiştiş û dîyar kerd ke reaksîyonê hemverê tepişteyan qels mendo û wina vat: “Ganî bi hawayêkê girseyî wayîrvejîyayîşêkê bibayîne. Seba nê ganî rêxistinê komelê sivîlî û partîyê siyasî rayaumumî bikeyo mîyanê tevgerî. Merdimî wina ameyê pelçiqnayîş ke reaksîyonê xo nêeşkenê nîşan bidê. Seba nê ganî STK û partîyê siyasî rayberî bikerê.”

 

‘Seba azadîya çapemenîye ganî sendîka û îqtîdar bivurnê’

 

Încîye tewr peyîn wina vat: “Dewletêka huqûqî yê demokratîk û paştdayîşê çapemenîye şert o. La seba krîzê ekonomî, merdimî bi tersê ke karê xo vînî bikerê, reaksîyon nêmojnenê. Serranê 90ine de mi dosyayêke ‘bi 3 kuponan muxabirêke’ viraştibî.  Firaq û çî bînan bila kerdibi bi seyan muxabiran kar ra eştibî. Ma o wext paştdayîş rêxistin nêkerd. O wext rojnamegerî sey karkerê mewsimî şuxulîyayî. Ma paştdayîş û sendîkabîyayîş rêxistin nêkerd. Sendîka zî lêşin bî. Ma muxalefetî ra çîyêk nêpawenê. Bêguman çapemenî de şêwirmendî şert a, vilabîyayîşê sendîkayan şert o la ganî na sendîka bivurya.