STENBOL – Goreyê Raporê Bergehê Bêkarî û Îstîhdamî yê DÎSK-ARî, hûmara bêkarîye ya Tirkîya vejîya 8 mîlyon û nême. 

 

Merkezê Cigêrayîşî yê Konfederasyonê Sendîkayê Karkerê Şorişgêr (DÎSK-AR) derheqê dayeyê Sazgehê Îstatîstîkan ê Tirkîya (TUÎK) ke temmuza serra 2022yîne esas girewtêne û 12ê êlule ya 2022ine de ame parekerdişî, bi sernameyê, “Bergehê Bêkarî û Îstîhdamî” raporêkê pare kerd. Goreyê raporî; hûmara bêkaran zaf bîya zêde û vejîyaya 8 milyon û nême. 

 

Rapor de ame vîrardiş ke netîceyê Cigêrayîşê Hêzê Karî yê Endamê Keyeyî (HÎA) ê temmuza 2022ine ê TUÎKî, 12ê êlule de ameyo parekerdiş.

 

Rapor de ame vatiş ke dayeyê bêkarî yê wayîrê tarîfê tengî ke tesîrê mewsimî ameyo peygoşkerdiş sera 10,1 û yo ke tesîrê mewsiman verê çiman de ameyo girewtiş û wayîrê tarîfêkê hîra zî sera 22,4 o. Bi dewamî DÎSK-Arî da zanayîş ke goreyê tarîfê hîra, bêkarîya Tirkîya temmuza 2022ine de vejîyayo 8 mîlyon û 415 hezar kesî.