MÊRSÎN - Platformê Cinîyan ê Mêrsînî reaksîyon vera tepiştişê parlamentera HDPyî Semra Guzele dayî û vatî: “No çinbîyayîşê hesibnayîşê îradeyê cinîyan o.”

 

Platformê Cinîyan ê Mêrsînî hemverê heqan ê zêde bene, îşkence û bêedaletî Şubeyê Sendîkayê Kedkarê Zanîst û Perwerdeyî (Egîtîm Sen) eşkerayîye da. Eşkerayîya ke pankartê “Cinî sere nêtewenênê” ame akerdiş de endama Platformê Cinîyan ê Mêrsînî Zeynep Kaya qisey kerd.

 

Zeynepe bale ant serê şîdetê cinîyan her ke şino zêde beno û da zanayîş ke pêwa qirkerdiş û şîdeto ke yeno kerdiş, faîlê ke dewlete ra hêz gênê cuya xo dewam kenê.  Zeynepe, reaksîyon vera metodê destbednkerdişê parlamentera HDPyî Semra Guzele da û vat: “Kelemçekerdişê peynî, antişê porê aye û hewldayîşê tewênayîşê serê Semra çinhesibnayîşê îradeyê cinîyan o. La wa baş bêro zanayîş ke ma sey rêxistinê cinîyan her ware de ma têkoşînê welatêkê azad, têduşt, bêcîyabîyayîşê netew, bawerî, cinsî bibo ma danê, ma do têkoşînê xo zî dewam bikerê.”