Rabîa Onver

 

COLEMÊRG - Hacer Esa ke 8 serrî yo Gever de hingdarîye kena wina vat: “Komela ke ez ci de ciwîyena, mi nêzdîbîyayîşê ‘cinî senîn eşkenê bi tena sereyê xo bikera’ şikina. Hedefê mi hingdarîyêke baş bi. Hêdî hêdî resena hedefe xo.”

 

Cinîya bi nameyê Hacer Esa ke Geverî yê Colemêrgî de ciwîyena, 8 serrî yo meslegê keyeyî hingdarî kena. Hacera ke Unîversîteya  Harranî beşê İdarekarîya Îstîmlakî wende, di serran seba imtîhanê KPSSyî xo amade kena û dimayê ke tayîn nêbena dest bi meslegê pîyê xo hindarîye kena. Hacere aşmanê zimistanî mêsanê xo bena Çirrê Colemêrgî û hamnanî zî dena dewa Oremarî yê Geverî. Pêwa hingdarî, kahweyê menengîç û tahînî berardiş kena û wayê û biranê xo dana wendiş û debara xo kena.

‘Ez debara keyeyî kena’

 

Hacere dîyar kerd ke dimayê unîversîte kewta imtîhanê KPSSyî û vat: “Seba ke nêameya tayînkerdiş mi dest bi meslegê hîngdarî kerd. Zimistanî mêsan bena Derecîkî. Seba Gever zimistanî zaf xidar derbaz beno. Aşma gulane de mêsan bene Gever. Aşma tebaxe de ma dest bi berardişan kenê. Mêsê ma goreyê parî kêm hingimîn dayî. Seba ke hewa erey germ bî. Emsar seba şilîye zêde nêbî, mêsan kêm hingemin da. Ma verê hingêmînî de kahweyê menegîç û tahin zî viraznenê. M abi berardişanê xo, debara keyeyê xo kenê.”

 

‘Cinî biwazo eşkena her çî bikero’

 

Hacere dewam de wina vat: “Meslegê hingdarî tena meslegê camêrdan nêyo. Kesê ke derûdorê mi de bî, vatêne; ‘ti cinîya ti do senî bikerê? No karê camêrdan o.’ La nê vatişan mi nêda vindarnayîş. Tewr zêde pê gêrêdaye bîya. Çend serrî yo camêrdê ke nê karî kenê estê û xeylêk rey ê gêrenê mi û derheqê karî de agahîyan wazenê. No mi kêfweş keno. Hingdarî sey karê camêrdan yeno vînayîş. La wina nêyo. Ganî cinî tewr zêde nê karî bikerê. Eke cinî biwazê eşkenê nê karî bikerê.”

 

‘Mi ewnîyayîşê komelî rijna’

 

Hacere vat, bi paştdayîşê keyeyî bi serran o nê mesleği kena û pêwa tedayê komelî game peyser nêeşta û vat: “Nika vajê ke dest kar ra vera bide, bibe memûr ez qetî nêkena. Ez tîya mîyanê xoza de ya. Ez xeylêk karê x ora hes kena. Keye de tena ez xebityena. Ez debara keyeyê xo bi nê karî kena. Ez seba nê serberz a. Mi ewnîyayîşê ‘cinî senîn eşkenê nê karî bikerê’ şikina. Hedefê mi hingdarîyêkê baş bi.  Ez hêdî hêdî ver bi hedefê xo şina. Ez wazena  reyke bîn bîyarî ziwan, eke cinîyî biwazê eşkenê her çî bikerê.”