Melîke Aydin

 

ÎZMÎR - Paştdayîşê Morî bi sloganê "Ma ver bi heriknayîşî ney, ma kewenê ver bi pêlê hêvîye" 6ine Kampa Cînîyan ê Hamnanî yê lingê Egeyî 11-12ine êlule de Balikesîr de organîze keno.

 

Paştdayîşê Morî bi sloganê "Ma ver biber herikînê, kewenê ver bi pêla hêviye" 6ine Kampa Cinîyan ê Hamnanî yê lingê Egeyî 11-12ine êlule de Balikesîrî de yeno organîzekerdiş. Kampa ke seba pandemî amebî vindertiş, emsar bi hîn tedbîran do bi ca bêro. Qeydê kampa ke qezaya Altinolukî yê Balikesîrî de bica bêro, dewam keno.

 

7 atolye, 2 dîwanî û panelêke

 

Kampe de do 7 atolyeyî bi sernameyê sey hemverê polîtîkayê bêcezaverdayîşî, weşîya cinî, pawitişê cewherî, makaleyê cinîyan ê formê îmgeyî û multecî do bi ca bêro û derhênerê fîlmê ‘Paydos’ Oyku Orhan û nuştoxê kitabê ‘Heta adir bitefyo’ Aylîn Balboaye do tewrê dîwanî bibê. Sewbîna bi tewrbîyayîşê Hacer Foggo û   vervatoxa Paştdayîşê Morî Cemîle Balaci yê wareyê feqîrîyê cinîyan de xebitênê zî do panelêkê bi nameyê ‘Hîn camêrdê ke dewlemend benê, cinî zî sînorê vêşanî de yê; gelo no krîz krîzê kamî yo' do bêrokerdiş.

 

Paştdayîşê Morî ra Denîz Uslu, derheqê kampa ke kenê de ajansê ma rê erjna.

 

‘Ma nêkewenê ver bi heriknayîşî kewenê ver bi pêlê hêvîye’

 

Denîze dîyar kerd, seba eleqeyê ke her ke şino zêde bîne, kampe kerdê di beşan û seba kampe qeza û merkezan bi cinîyan dir atolyeye kerdê û vat: "Ma cuya xo de çara biewnê, hîn çî herikênê, ma benê, her tim her çî eşkeno bibo û ma atmosferêkê wina de ciwîyenê. Ganî ma nêkewê ver bi heriknayîşî, ganî ma paştdayîşê yewbînan bikerê, hêvîye rêxistine bikerê û nê dir zî bêrê têhet. Xora ma hewldayîşê nê de yê."

 

Seba tewrbîyayîşê kampe şima eşkenê, nê lînkê xo rê biresnê formî:

 

Bernameyê kampa di rojan wina yo:

 

*Roja yewine

 

10.00 – 12.00: Qiseykerdişê akerdişî-sînevîzyon- kaykerdişê naskerdişî

 

12.30 -13.00: Werdê nîmerojî

 

13.30 – 15.30: Demo serbest

 

16.00 -17.30: Atolyeyê hemdemî

 

18.00 -19.00: Werdê şan de

 

20.00: Bi Oyku Orhan dir serê fîlmê ‘Paydos’ dîwan

 

21.30: Muzîk- şahî

 

*Roja diyîne

 

07.00: Yoga

 

09.00 – 12.00: Demo serbest

 

12.30 – 14.00:  Bi Aylin Balboa dir serê kitabê ‘Heta adir nêtefîyo’ dîwan

 

14.30 – 16.00: Panelê bi nameyê ‘Hîn camêrdî ke dewlemendî benê, cinî zî sînorê vêşanîye de ya; gelo no krîz krîzê kamî yo'

 

16.30 – 17.00: Padayîş