ŞIRNEX - Ame zanayîş ke nêzdîyê 20 rojî yo Zîndanê Xarpêtî yê Tîpê Fyê komêke kesê nêdîyar ke îdarekarîyê zîndanî teber ra girewtêne, cilanê gardîyanan danê înan ra û înan qawuşê tepişteyanê sîyasî.

 

Binpaykerdiş û îşkenceyê hemverê tepişteyê sîyasî her ke şino xo bi metodêke newe mojneno. Ame zanayîş ke nêzdîyê 20 rojî yo Zîndanê Xarpêtî yê Tîpê F rê komêke kesê nêdîyar tebera anê, cilanê gardîyanan dane înan ra û bi nê şiklî kenê mîyanê  qawuşanê tepişteyê sîyasî û provakasyonan kenê. Tepişteyê ke hemverê nê de zî vejîyenê, hêrişê înan kenê û înan îşkence kenê. Tepiştey3ek zîndanê Xarpêtî yê ya Tîpê Fyê ke nêwaşt nameye ci bêro teşhirkerdiş, bi rayîrê keyeyê xo nê zanayîşî pare kerd û venga hîsgêrî kerd.

 

Keyeyê tepişteyê ke nêwaşt nameye ci bêro teşîrkerdiş, dîyar kerd ê bi rewşa tepişteyanê xo endîşeyîn ê û wina vat: “Komêke tebera anê û cilê gardîyanan dane înan ro. Ê kesî çi yê, teber ra çara ameyê kes nêzano. La bi no hewa serê tepişteyanê sîyasî de planek viraznenê. Na rewşe dorê 20 rojan dewam kena. Her rey erzenê serê qawişan û îşkence tepişteyan rê kenê. Rewşê asayî de gardîyan tena seba hûmartiş eke dozgerî biwazo eşkeno bikewo qawîşan la ê kesê ke cilanê gardîyanan înan rê ameyê piradayîş wexto biwazê û bê destûr kewenê qawişan. Mabene tepişteyan de alozî û provakasyonî kenê. Lajê mi waşt ke nê caardişî bikewo rojeve û venga hîsgêrî kerd.”