RIHA - Çalakîya "Nobeta Edaletî" ya Keyeyê Şenşayarî 549 rojî yo dewam kena. Waştişê keyeyî yê pêvînayîşê bi dozgerî dir 10in rey ame redkerdiş.

 

Merdim û pawitoxê parlamentera AKPyî Îbrahîm Halîl Yildizî 14ê hezîrana serra 2018ine de qezaya Pirsûsî ya Rihayî de hêrişê dikanê keyeyê Şenyaşarî kerd. Netîceyê hêrişî de mêrde û di lajê dayîka Emîne Şenyaşare ameyî qetilkerdiş. Emîne Şenyaşar û lajê xo Ferît Şenyaşar seba kiştoxî bêrê tepiştiş û muhakemekerdiş, 9ê adara serra 2021ine de vernîya Edliyeyê Rihayî de dest bi çalakîya "Nobeta Edaletî" kerdî. Çalakîya keyeyî roja 549ine de dewam kena. 

 

Keyeyê Şenyaşarî serê siba keyeyê xo yê Pirsûsî ra kewt rayîr û verê edliye de derheqê dewa de agahî da merdimanê derûdorî. Ferît Şenyaşarî ard ziwan ke înan dozgerî 10ine dosya rê ameyo wezîfedarkerdiş, waştişê pêvînayîşê kerdê labelê ameyo redkerdiş.

 

Ferît Şenyaşarî dîyar kerd ke heta edalet bi ca bêro, do edlîye ra nêşêrê.