WAN - Roniştişê dewaya aktîvîsta TJAyî Rojbîn Çetîn bi bahaneyê "şahidê nimite amade nêyo” taloqê 27ê teşrîna verêne ame kerdiş.

 

26ê hezîrana 2020ine de çarçewaya cipersayîşêkê Serdozgerîya Komara ya Mêrdînî de polîsan Amed de eştibi serê keyeyê endama Tevgera Cinîyan ê Azadan (TJA) û Endama Heyetê Îdarekarîyê Demokratîke ya Partîya Demokratîke ya Şaran (HDP) Sevîl Rojbîn Çetîne. Demê eştişê serê keyeyî de polîsan bi kutikan îşkence bi  Rojbîne kerdibi. Bi bahaneyê "endamîya rêxistine" dewa Rojbîne rê ameye akerdiş. Roniştişê dewaya 2yîn Dadgeha Cezaya Giran ya Wanî de ame vînayîş.

 

Rojbîne Zîndanê Cinîyan ê Amedî de bi rayîrê sîstemê SEGBÎSî tewrê roniştişî bî. Keye û avûkatî zî roniştiş de amade bî. Rojbîne roniştiş de pawitişê xo reyna kerd û waştişê tehliyeyê xo kerd. Avûkata aye Ekîn Yeter zî waştişê tehliyeyê aye kerd.

 

Heyetê Dadgehê reyke bîn bi sebebê  "şahîdê nimite amade nêyo” roniştiş taloqê 27ê teşrîna verêne kerd.