AMED - Meqamê iddiayê seba Hemsereka KCDyî Leyla Guvena ke bi iddiayê "Propagandayê rêxistine" yena muhakemekerdiş, 43 serrî aşmêke û 15 rojî cezaya zîndanî waşt.

 

Roniştişê dewaya bi iddiayê "Propagandayê rêxistine" Hemsereka Kongreya Komeleya Demokratîke (KCD) Leyla Guvene ame akerdiş, 9ine Dadgeha Cezaya Giran ya Amedî de ameye vînayîş. Leyla Zîndanê Cinîyan ê Xarpêtî de bi rayîrê Sîstemê Veng û Dîmenî (SEGBÎS) beşdarê roniştişî bîye. Avûkatê Leyla Serdar Çelebî roniştiş de amade bî.

 

Meqamê iddiayî mutaalayê xo pêşkeşê dadgehe kerd û her çekuya Leyla sey suc hesibna. Sewbîna qiseykerdişê Leyla sey propagandayê rêxistine ame şîrovekerdiş.

 

Meqamê îddiayî yê dîmen û qiseykerdişê Leyla yê serê medyaya dîjîtale de sey sûc hesibna, seba Leyla 43 serrî aşmêke û 15 rojî cezaya zîndanî waşt.

 

Leylayê da zanayîş ke qiseykerdişê aye ya açarnayîşê kurdkî şaş virazyayo û vat, do pawitişê xo celseyêk bînî de bikero.

 

Avûkatê Leyla, Serdar Çelebî seba pawitişî dem waşt.

 

Dadgehe waştişê demî qebûl kerd û roniştiş taloqê 17ê teşrîna verêne ame kerdiş.