ÎZMÎR - Parlamentera HDPyî ya Serpîl Kemalbay da zanayîş ke krîzê ekonomî seba polîtîkayê binpaykerdişê şîdet û tedayê îqtîdarîyê AKP-MHPyî yeno tercîhkerdiş û hemverê nê ganî kuçe de têkoşîn bêro dayîş. Serpîle CHPyî zî rexne kerd û vat, bi polîtîkayê ke taqîb kenê, vernîya şarî gênê ke nêvejîyê kuçe.

 

Seba polîtîkayê AKP-MHPyî krîzê ekonomîye her ke şino giran beno û roj bi roje zamê ke yenê kerdiş, tesîr serê heme hetan de keno.  Parlamentera HDPyî ya Îzmîrî Serpîl Kemalbay da zanayîş ke krîz seba polîtîkayê neolîberal yê îqtîdarî yenê kerdiş û çareserî zî vejîyayîşê kuçeyan o, la partiya muxalefetî seba vernîya nê pado, polîtîkayan kena.

 

‘Têkoşînêkê xurt nêno kerdiş’

 

Serpîle dîyar kerd, şar krîzê ekonomîye ciwîyeno û vat: “AKP û MHP demo polîtîkayê şîdet, teda û binpaykerdişan giran kenê, hîn rayîran tercîh kenê û no zî beno sebebê krîzî. AKP hetê şarî yê ke xeylê xo feqîr kerdo, bi hetkarîya ke keno hewl dano ke înan konsolîse bikero. Krîzê ekonomî nakokî nêyo, polîtîkayê îqtîdarî yo. Senîn beno ke  seba weçînayîşê hende zam yeno kerdiş. Têkoşînê sendîkayan paştdayîşê înan rêxistinbîyayîşê komelî binê teda de yo. Rêxistinbîyayîş ameyî vilakerdiş. Sendîka hetê helwestêk hempar de xeylêk zehmetiyan ancenê. Na babete de her kes şexsî reaksîyon mojneno. La babeta ke zamî peyser bêrê girewtişî de çalakîbîyayîşê kuçeyî çin o.”

 

‘Ganî ma bi hawayêke îqtîdar şino nêewnê’

 

Serpîle wina vat: “Zîhniyetê sindoqî yenê ma do sindoqan de hesab bipersê vila beno. Bi zîhniyetêk wina mimkin nêyo ke merdim hemverê feqîrî têkoşîn bikero. Do zemî dewam bikerê. Hetêk ra şer esto, hetêk ra zî polîtîkayê binpaykerdişî. Hemverê îqtîdarî ganî ma kuçeyan de bê. Ganî ma sey, ‘îqtîdar do weçînayîşan de şêro’ nêewnê.”

 

‘Ma wazenê nê polîtîkayî bivurnê’

 

Serpîle qiseykerdişê xo wina dewam kerd: “Polîtîkayê ekonomî goreyê sîstemê neolîberal ameyo dîyarkerdiş û seba sermaye tewr zêde kar bikero, ameyo awankerdiş. Weşîye, perwerde, awanî heta ceyranî pêro lazimî, demo ke merdim ewnîyeno fehmêk ke kar esas gêno esto. Ma wazenê na polîtîkayî bivurnê.”

 

‘Her çî çin kenê’

 

Serpîle wina vat: “Ganî polîtîkayêkê ekolojîk bêro taqîbkerdiş. Darê ke se serran birnenê û seba patronê madenan dewlemend bibê, hewl danê ke biresê amancê xo. La ma polîtîkayê ke paştdayîş danê ekonomî û pawitişê xoza esas gênê. Hemverê polîtîkayanê madenî, ma tercîhanê xo sepernenê hizûrê komelî û ekolojî pêşnîyaz kenê. Reyna ma wazenê ke xizmetê komelî bêrê zêdekerdiş. Tîya de esas oyo ke şar xo biresno xizmetê sey; weşîye, starbîyayîş û perwerde û sewbîna çî.”

 

Serpîle wina qedêna: “Ma do polîtîkayê perwerdeyêkê demokratîk û bêpere aver berê. Vera sîstemê binpaykerdişî, sîstemêko her kes bieşko xo bêpere biresno lazimîyê sereyînî. Ma wazenê modelêk ekonomîye yê lazimîyê sereyîn peyda keno awan bikerê.”