AMED –Tepişteyo nêweşo giran Mehmet Emîn Ozkano 83 serre ke pêwa nêweşîyanê giranan nêno veradayîş, wedarnayî nêweşxane. 

 

Mehmet Emîn Ozkan ke mîyanê 38 tepişteyanê ke bêro veradayîş de yo, pêwa nêweşîyê; guatr, nêweşîyê esteyan, tansîyon, guatro bi jehr ci de esto. Çimê ey baş nêvînenê, goşê ey giran bîyê, hişê ey şono û 10 nêweşîyê bînî ey dir estê, Zindanê Tîpê D yê Amedî de yeno tepiştiş. Keyeyê Ozkanî dîyar kerd ke Mehmet Emîn Ozkan seba 2yê êlule de bêzar bîyo, wedaritê Nêweşxaneyê Cigêrayîş û Perwerdeyî yê Gazî Yaşargîlî, di rojî beşê giranî de mendo û nika zî servîsê normal de yeno dermankerdiş. Keyeyê ci dîyar kerd ke demo ke wedaritî nexweşxane, destûrê vînayîşî nêdayê û  da zanayîş ke beno ewro yewbînan bivînê.

 

Mehmet Emîn Ozkan ke seba îfadeyê di îtirafkaran bi îdiayê "endamîya rêxistine" ameyo tepiştiş û cezaya muebedî ci rê ameya birnayîş, 27 serrrî yo tepişte yo. Mehmet Emîn Ozkan, zîndan de heta nika 5 rey krîzê zerrî derbaz kerdo û xêrcê nê bi desan nêweşîyê ey estê. Mehmet Emîn Ozkan ke nêeşkeno bi tena sereyê x ocuya xo dewam bikero, lajê ey Ahmet Ozkan ke qawîşa ey de yo, hetkarîya ey keno. Pêwa ke raporê Mehmet Emîn ‘nêeşkeno zîndan de bimano’ esto zî Mehmet seba raporê Sazgehê Tibê Edlî (ATK) yî 'eşkeno zindan de bimano’ nêno veradayîş.