ANQARA - Meclîsê Cinîyan ê HDPyî bi eşkerayîya seba Parlamentera HDPyî ya Amedî Semra Guzele ke bî hedef û ameye destbendkerdiş wina vat: "Ma Wezîrê Karê Sûcî ke parlamentera ma kerd hedef, hişyar kenê: “Cinîyan ney kiştoxê cinîyan bitepşê.”

 

Meclîsê Cinîyan ê Partiya Demokratîke ya Şaran (HDP) derheqê Parlamentera HDPyî ya Amedî Semra Guzele ke bî hedef û ameye tepiştiş de eşkerayî da. Eşkerayî de ame vatiş, polîtîkayê îktidarê yê bi nê rengî senî nêresa amancê xo ewro zî do nêreso amancê xo.

 

Seba Suleyman Soylu: Kiştoxê cinîyan bitepşê

 

Eşkerayî de Suleyman Soylu rê ame vatiş, kiştoxê cinîyan bitepşê û vatî: “Kesê diznenê, xirabî kenê rehet rehet şinê. Ma Wezîrê Karê Sûcî ke parlamentera ma kerd hedef, hişyar kenê: ‘Cinîyan ney, kiştoxê cinîyan bitepşinê’. Şima do nêeşkê bi parekerdişê xo yê serê medyaya dîjîtalî yê nîjadperestî, cinsperestî, netewperwerî, dişminîyê cinîyan kûr kenê, sûcê xo bigîrê."

 

Semra Guzele îradeyê şarî ya  

 

Dewam de wina ame vatiş: “Wa cinî hemverê polîtîkayê lêşinî de mil nêdê ro. Ma do her ware ke ma ci de yê vajê, 'Semra Guzel îradeyê ma ya'. Wa îktidarê ke her rey dişminî cinîyan keno nê çî baş bizano ke ma cinî nêpelçiqyê. Semra Guzele îradeyê şar û cinîyan a.”