AMED - KASEDî seba pîrozbayîşê yewin ê serra xo, amadekarîyan kenê û seba cinîyan wareyê kultur, huner û edebîyatî de îmkanan awan keno. Yew nê perwerdekaranê KASEDî ra Serap Ergîn da zanayîş ke cinî eleqeyêk pîl komeleya înan rê mojnenê.

 

Komeleya Edebîyat, Huner û Kulturî yê Cinîyan (KASED) bi amancê wareyê, huner û edebîyat de xebatê xo kenê, hîrê serrî verê do biameyîne awankerdiş la seba vîrusê covîd-19î 5ê êlule 2021ine de ame akerdiş. KASEDî ke yewin serra xo pirr kerd, wareyê kultur û hunerî de perwerdeyî cîya dayî û hedef keno ke cinî û tutî qalibê dîyarkerde ra bêrê vetiş û wareyê hunerî de zî wayîrê heqî bê.

 

Serap Ergîna ke komeleya mamostetî de ressam a, derheqê amadekarîyê serra xo û xebatê ke kena de qisey kerd.

 

‘Taxa ke komele ci de bî, m abi zanebîyayîş tercîh kerd’

 

Serape da zanayîş ke ganî tewr zêde seba sazgehê cinîyan bêro dayîş û vat, ê sazgehêkê seba cinî û tutan perwerdeyîyê cîya danê yê. Serape wina vat: “Ma waşt ke cinî bi rehetî erjê xo bîyarê ziwan. Bi no hawa ma sazgehêkê akerd. Xeylêk wareyan de ma kurs akerd. Perwerdeyê muzîk, resim, ziwan, govende û erbane ma dane. Ma taxa ke komele ci de ya bizanebîyayîş tercîh kerd. Tîya sazgehêkê cinîyan çinbi û ma waşt ma gamêke bierzê. Eleqeyê taxe seba sazgehê xeylêk pîl o. Cinî yenê û vanê, ‘tena tîya de cinî estê?’ Mereq kenê. Xebatkarê sazgehe pêro cinî yê. Seba nê yenê gêrenê. Vanê ‘şima tîya de se kenê, tîya çi yo?’

 

Cinîyan ra eleqeyêkê pîl

 

Serape dîyar kerd ke cinî bi eleqeyêk pîl yenê komele û dewam de wina vat: “Dayîkî seba tutê înan derse bigîrê şawenê. Dima ra wazenê ê zî derse bigîrê. Dayîkê ma yê winasî zî estê. Yenê vanê, ‘ez wazena dersa erbane û tembûrî bigîra’ Eleqeyê înan zaf weş o. Ma pêro tîya cinî yê. Bêguman ma ge-ge bi zehmetîyan reyde yenê rî bir î. Sey cinîyêke komel de cagirewtiş zehmet o. Ma tîya de pêro cinî yê û reyan ma rastê zehmetîyan yenê.”

 

‘Ma bi sazgehê bînan dir mîyanê paştdayîşî de yê’

 

Serape dewam de wina vat: “Ma bi sazgehê bîn yê xebatê kultur û hunerî kenê dir têkilî de yê. Ma xeylêk sazgeh û komele pîya xebityenê. Sazgehê bîn zî eleqeyêk pîl mojnenê. Wexto projeyêkê bibo, hema yenê ma dir şewirênê. Wazenê fikrê cinîyan zî bigîrê. Ma zî berê xo înan rê akerdo. Înan zî ma rê akerdo. Ma xeylêk sazgehan dir mîyanê têkilî de yê.

 

‘Qeydê neweyî dest pêkerdî’

 

Serape vat: “Seba pandemî ma di serrî yo cayê xo anêkerd. Ma konserê xo goreyê akerdişê xo kerd. Ma qeydê neweyî qursî dayî destpêkerdiş. Ma hêvîdar ê, pêro cinî bêrê qursê ma. Merdim nê cayî de sey keyeyê xo vîneno. No ma kêfweş keno.”

 

‘Seba konserî 2 komê hunerî do bêrê’

 

Serape tewr peyîn qiseykerdişê xo de derheqê konserê ke seba serra  yewin organîze kenê û vat: “Seba konseri di komê hunermendî do bêrê. Ma sey KASEDî xeylêk bajaran de konser organîze kerd. Nika ma xebata konserêk de yê. Ewil do Koma Hera Rojhilat bêro. O bîn zî Kolektîfê Rîtmê Azade yo. Wa  heme dost û embazê ma tewr bibê.”