COLEMÊRG - Şewatê daristananê dewa Marûnisî yê girêdayeyê Colemêrgî ke bi guleveradayîşê leşkeran de vejîyabi, 3 rojî yo dewam keno û leşker welatijê ke wazenê şewat bitefênê asteng kenê.

 

Dewa Marûnisî ya girêdayeyê Colemêrgî ya, 28ê Tebaxe de reyke bîn şewat vejîya. Ame dîyarkerdiş leşkere ke vejîyayê operasyon û baregehê leşkerî bi çekê giran gule veradayê daristano ke 15 rojan şewat ci de dewam kerdibi û reyna adir veradayê daristanî. Şewato ke 28 tebaxe de nîmeroj de dest pêkerdo, 3 rojî yo dewam keno û hetê tu kesî ra nêameyo tefinayîş. No reya diyîne yo ke daristanê zozanê dewa Marûnis veşenê û veng wezîfedarê Mudûrîyê Daristanan ê Colemêrgî û Şaredarîya Colemêrgî ra nêvejîyeno. Ame neqlkerdiş ke leşkerê welatîyê ke wazenê şêrê şewat bitefênê, asteng kenê.

 

Seke yeno zanayene 12ê Tebaxe de, mabêne endamê HPGyî û leşkerê tirkî de şer  û pêrodayîşêk virazyabi. Dimayê pêrodayîşî eynî roje de leşkeran bi çekê giran herêma ke daristanî û vaşê wişkîci de zêdeyê gulevaran kerdibî û seba nê adir kewtibi daristan. Ame neqlkerdiş ke şewatê daristanê Marûnisî dest pêkerdibi û heta zozanê dewa Kûtos û herêma Koyê Şinî vila bibi, roja 15ine de xo bi xo tefiya yo. Netîceyê nê şewatê 15 rojan de dewam kerd de, bi hezaran metrekareyan zêdeyêr daristanî bibî welî.