MERKEZÊ XEBERAN – TJAyî reaksîyon vera hêrişê Tirkîya ke serê Mexmûrî de kerd, da û venga Neteweyê Yewbîyaye kerd. 

 

Vizêr Tirkîya de Mexmûrî girêdayê Mûsûlê Kurdistanî yê Federeyî bi SÎHAyan bombavaran kerd. Keyeyo ke ame bombavarankerdiş Evizêt Abdullah Abid birîndar bi. Evizêt Abdullah Abido ke wedarnayî nêweşxaneyê Geyarî dinyaya xo bedelnaye.

 

Tevgerê Cinîyan ê Azadan (TJA), bi parekerdişê serê hesabê xo yê tiwitterî de reaksîyon mojna û vat: "Dewleta tirke ya îşxalkerdoxe reyna bi hemkarîya PDKyî hêrişê welatijê Mexmûrî kerd. Hêrişê winasî her tim yenê kerdiş, xeylêk merdimî dinyaya xo bedelnayî û birîndar bîyê. Ma hêrişê serê cinîyanê kurdan û şarê kurdî şermezar kenê û venga Neteweyê Yewbîyaye kenê.”