STENBOL - Avûkatanê OHDyî bi Aysel Tugluke ke nêweşa demansî ya û korona derbaz kerd, pêvînayîş kerdî û vatî, Aysele çekuyan zî bi zor ana vîrê xo û ganî bêro veradayîş.

 

Sîyasetmedara kurde Aysel Tugluke nêweşa demansî ya û 1in Zindanê Asayîşî Berzî yê Tipê Fyê Kandirayî de yena tepiştiş, nêweşîya Virusê Koronayî zî derbaz kerd. Avûkatê Şubeyê Stenbol û Îzmîrî yê Komeleya Huqûqnasê seba Azadîye (OHD) yê bi Aysel Tugluke dir nêweşîya demansî ya û korona derbaz kerd dir pêvînayîş kerdî, vatî Aysele çekuyan bi zor ana xo vîr û ganî bêra veradayîş.

 

'Do hûquq rojêke her kesî rê lazim bo’

 

Avûkatan dîyar kerdî ke her pêvînayîşî de ê vînenê ke rewşa Aysele seba şert û mercê giranî yê zîndanan tewr xirab bena û vatî: “Ma reyna bî şahid ke huqûqê Tirkîya bi ca nêno. Wijdan; ker, kor û bêziwan o. Huqûqê dişmînî de israr kenê. Ma mana nêdanê nê çî. Ma vanê ke do huqûq rojêke her kesî rê lazim bibo.”

 

'Çekuye zî nêna vîr’

 

Avûkatan dîyar kerd ke çeku zî nênê vîrê Aysele û wina vat: “Tepiştişê Aysele îşkence yo. Ma vînenê ke probleme dengeyî zêde beno û Aysele nêeşkena bi qeleme zî bigîro. Qalê efû yeno kerdiş, labelê ganî bi hawayêkê têduşt bêro kerdiş. Dem erey keweno. Wefatê tepişteyê nêweşan ê nê demî netîceyê nê yo. Ma venga her kesî kenê ke ganî na babete de hîsgêr têbigêrê.”