ANQARA - Sîyasetmedara Kurde Aysel Tugluk ke dewaya Kobanî de ameye tahlîyekerdiş seba  dosyayêke bîne est a, tepiştişê aye dewam keno. Birayê Aysele, Aladdîn Tuglukî derheqê babete de wina vat: “Bi şertê kontrolê edlî eşkenê tehliye bikerê. Ganî şert û mercê dermankerdişî bêrê awankerdiş.”

 

Mîyan de hemserekê verî yê Partîya Demokratîke ya Şaran (HDP) zî ci de, 21 ci ra tepişte 108 kesê ke dewaya Kobanî ra ameyîne muhakemekerdiş, 15ine roniştişê dewa ame kerdiş. Roniştiş de derheqê sîyasetmedara Kurde Aysel Tugluk ke nêweşa demansî ya û zîndanê Asayîşê Berzî yê Hûmara 1ine Kandirayî de tepişte ya, qerarê tahlîye ame dayîş. Seba Aysele sere de cinîyan û rayapêroyî wextêko derg o çalakî kenê.

 

Her çiqas qerarê tahlîye netîceyê têkoşînê cinîyan bêro ercnayîş zî çarçewaya cipersayîşê ke  Serdozgerîya Komare ya Anqarayî de hemverê Kongeraya Komeleya Demokratîke (KCD) dabî destpêkerdiş de 16ê adara 2018ine de 17ine Dadgeha Cezaya Giran ya Anqara bi îdiayê ‘endam rêxistine’ 10 serrî ceza da Aysele û ceza 25ê sibata 2020ine de hetê dadgerî ra amebî tesdîqkerdiş û na dosya zî vernîya tahlîyekerdişê aye girewt.

 

Eynî roje de Çevîk Bîr ame tahlîyekerdiş

 

Roja ke îfadeyê Aysele girewtêne, înfazê diyîn Fermandarîyê Pêroyî yê demî ra Çevîk Bîr ke dewaya  28ê sibate ra cezaya muebetî ci rê amebî birnayîş, seba teşîsê demansî ci rê amebi dayîş ame taloqkerdiş û tahlîyekerdiş. 

 

Israrê ATKyî

 

Pêwa raporê doktor û nêweşxaneyan ATKyî hîrê rey qerarê, ‘eşkena tepişte bimana’ seba Aysele da. Birayê aye Alaaddîn Tugluk derheqê prosesî de ercnayîş kerd.

 

‘Ganî kam beno wa bibo eke nêweş bo ganî bêro tahlîyekerdiş’

 

Alaaddînî da zanayîş ke kam beno wa bibo eke nêweş bo, ganî bêro tahliyekerdiş û wina vat: “Heyetê Dewaya Kobanî qerarê tahlîye da. Qerar de di maddeyêke ci de wina yena vatiş, ‘Ma hetê wijdanî de sûcdarîyê hemverê ma ameyê kerdiş, nêrehet bî’. No zî qet nêbo pozîtîf eşkeno bêro vînayîş. Belê bi zor pawitiş ci rê ferzkerdiş çîyêkê şaş o. Vejîya SEGBÎSî ne embazanê xo, ne zî avûkatanê xo nas kerde. Bi zorî pawitiş ci rê ferz kerdî. No helwestêkê şaş o. Wexto ke şina pêvînayîş, persêke xeylêk rey pers kena.”

 

‘Dadgehe şaşîya xo ferq kerd’

 

Alaaddînî dewam de wina vat: “Nimûne; vajê wezîrê dadî nêweş bo, ez eşkena vajî; wurze wezîrtî bike? Ganî vernê de bêro dermankerdiş. Seba ke ma merdim ê. Ganî dermankerdiş bêro kerdiş. Ez wazena waya mi bêro dermankerdiş. Ez qerarê dadgehe pozîtîf vînena. Yewin waştişê mi dermankerdişê aye yo. Dadgehe şaşîya xo ferq kerd û qerarê tahlîye da.”

 

Alaaddînî raporê ATKyî zî ercna û vat, pêwa qerarê hîrê netîceyê şerh dayî ser û endamê şerh dayî ro, vatî ke ganî Aysele bêro taqîbkerdiş û temaşekerdiş. Alaaddînî na babete de zî wina vat: “Gelo şima bawer ê ke do waya mi zîndan de bêro dermankerdiş? Eke şima bawer bikerê berpirsyarîyê şima yew o. Eke siba  disiba nêweşîya waya mi tewr zêde giran bibo, ez o bi rayîrê huqûqî heta peynî hesab pers bikerî. Eke doktorî qerarêkê şaş bidê zî ez o heta peynîya cuya xo têkoşîn bikerî.”

 

‘Wazena Aysele bêro tahlîyekerdiş' 

 

Alaaddînî vat, derheqê tahlîyeyê Aysele de do hewldayîşê huqûqî bidê destpêkerdiş û 10 serrî ceza ra 6 serrî rakewta û di serrê aye mendo. Bi veradayîşê kontrolî, dermankerdişê waya mi eşkeno bêro kerdiş. Ma nê pawenê. Ma wazenê bêra tahlîyekerdiş. Ez embazê ke seba Aysele têkoşîn kenê, înan rê sipas kena. Rêzdarîyê xo înan rê pêşkêş kena. Ez çi bikerî zî nêeşkena hemverê nê bidî. Hemverê înan de rêzdar a.”