Rabîa Onver

 

COLEMÊRG - Dayîka Remzîye Temel a tepişteye Fatma Temel, dîyar kerd rojnamegerê ke pey heqîqetî de şî, nika teêişteyê û ganî bêrê veradayîş.

 

8ê hezîrane de Amed de operasyono ke ame kerdiş  de 16 rojnamegerî bi îdiayê endamîya rêxistine ameyî tepiştiş û înan şawitibî Zîndanê Asayîşî yê Berzî yê Amedî. Rojnamegerê ke 2 mengî yo tepişteyê, kitab  û dolaba qeşayî nêdanê înan û bi binpaykerdişê pîlî dir rî bi rî yê.

 

Dayîka rojnamegere Remzîye Temel, Fatma Temele  derheqê babete de qisey kerd û dîyar kerd ke ê hem kîşte kênaya xo de yê hem zî kîşte rojnamegeran de yê û vat, ê bi meslegê kênaya xo serberz ê.

 

‘Remzîye eşqê karê xo bî’

 

Fatma vat, ganî rojnamegerî bêrê veradayîş û wina vat: “Kênaya mi unîversîte qedênabî. Demo ke ewil vat, ez nê karî kena, ma vat meslegê xo biwane. La aye vat, ez nêwazena biba memur. Vat, ez nêwazena biba koleya dewlete. Ma zî rêze ramojna. Ma vat, ma tim verê to de yê. Remzîye eşqê meslegê xo bî. Girêdayê embazanê xo û karê xo bî. Ez bi keda kênaya xo serberz a.”

 

Ganî rojnamegerî nêrê tepiştiş

 

Fatma vat, ganî tu rojnamegerî seba faliyetê xo nêrê tepiştiş û wina vat: “Tutê ma tena rastî nuştî. Bi hawayêke bêhuqûqî ameyî tepiştiş. Ma kîşte tutanê xo de yê. Ma bi înan serberz ê. Seba rastî nuştî, ameyî tepiştiş. Rojnamegerî bê sebeb ameyî tepiştiş. Heqê kurdan nêdanê. Her tim teda û îşkence kurdan rê kenê. Kurdî pêwa heme tedayan xo ver danê. Ma wazenê rojnamegerê ma bêrê verqdayîş. Tutê ma do her tim rastî binusê. Nêeşkenê heqîqet sîya bikerê.”