MERKEZÊ XEBERAN - Komê girêdayeyê dewleta tirke Efrîn de pêwa cinîyêke 4 kesî remnayî.

 

Goreyê çimeyêke qezaya Cindirêsî de, MÎTê Tirkan merkezê qezaya Cindirêsî ya kantonê Efrînî ke îşxalkerde ya, 4 welatijî remnayî û înan ra cinîyêke ya.

 

Goreyê çimeyî, nameyê kesê ke ameyê remnayîş wina yê: Nûrî Mihemed Elî Îso (24), Îmad Mihemed Hemo (33), Mehmûd Seîd Casim El-Mihemed (34) û Îlham Mihemed Hesen (47).

 

Eynî çimeyî da zanayîş ke MÎTê Tirkan bi bahaneyê bêbingeh welatijan remnayî û hema aqûbetê înan dîyar nêyo.

 

Rêxistina Heqê Merdiman ê Efrîn-Sûrîye dabi zanayîş ke MÎTê Tirkan û komê girêdayeyê înan tena temmuze de seba tersnayîşê welatijan û koçberkerdişî 43 welatijê Efrînî remnayê.