Yara Kendeş

 

KOBANÊ - Mamosteya Unîversîteya Kantona Kobanî Perîşer Ismaîl û wendekara Beşê Edebîyatî yê Unîversîteya Kobanî, Rodîn Mihemed, derheqê ziwan û edebîyatê kurdkî de wina vatî: "Edebîyat û Ziwan lazimîyêkê sereyîn o. Seba ke pawitişê bîyayîş û nasnemeyê xo keno. Seba ke cîran, dişmin, dewlete û neteweyê bîn cîya keno, edebîyat o. Wendekaranê Unîversîteya Kobanî zî pawitişê bîyayîş û nasnemeyê xo kenê."

 

Ziwan û edebîyatê Kurdkî de, kulturê xoawankerdişî û naskerdişî, zanistî û unîversal est o. Ziwan xozayî yo, seba naskerdişê kultur, ziwan, adetî, dîn û ûsn. Ziwan wayîrê rolêkê muhîm o. Muhîmîyê ziwanî cuye de xeta tewr esas û feydeyîn o. Ferq mabêne ziwanan de çin o, seba her ziwanêkê, edebîyatêkê komel dano naskerdiş.

 

Derheqê babete de Mamosteya Unîversîteya Kantonê Kobanî Perîşer Ismaîl û wendekara Beşê Edebîyatî yê Unîversîteya Kobanî, Rodîn Mihemed ercnayîş kerd.

 

'Destpêk de hûmara mamosteyan kêm bî'

 

Perîşere destpêkê qiseykerdişê xo de ercnayîş serê bîyayîşê edebîyatê Kurdkî û rolê ci yê mîyanê unîversîte de kerd û vat: "Bi pêroyî Beşê Edebîyatê serra 2017ine de Unîversîteya Kantonê Kobanî reya ewil beşê edebîyatî dest pêkeno û  heta roja ewro dewam keno. Dimayê serrêke, sewîyeya averşîyayîş û gameştişê averşîyayîşî tewr zêde beno. Seba ke destpêk de hûmara mamosteyan kêm bî û hîn îmkanê hetkarî kêm bî. Labelê dimayê hende kede, kar û xebate, ma a sewîyeye ra vejîyayî û ma sewîyeyêka baş awan kerda."

 

'Wendekarî hîsê xo edebîyatê  Kurdkî de vejenê werte'

 

Perîşere qalê vurnayîşî kerde û vat: "Demê vîyarte de ziwanî Unîversîteya Kobanî de kêmî bî, yanî ma eşkenê bierjnê ke zafziwanî  unîversîte de ca nêbîbî. Labelê nika ma ziwanê kurdkî, erebkî, îngilîzkî û ûsn. eşkenê weçînê. Ma averşîyayîşêkê wendekaranê xo de vînenê. Sewbîna ma çimanê înan de heskerdişê ziwanî vînenê. Ma bale ancenê ke êdî wendekarî hîsê xo edebîyatê Kurdkî de vejenê werte. Her ke wendekarî ziwanê Kurdkî de xo kûr kenê, her ke şino tewr zêde nas kenê û awan kenê."

 

'Wendekaranê Unîversîteya Kobanî pawitişê bîyayîş û nasnemeyê xo kenê'

 

Perîşere tewr peyîn wina vat: "Edebîyat û ziwan lazimîyêkê sereyîn o. Seba ke pawitişê bîyayîş û nasnemeyê xo keno. Seba ke merdimî cîran, dişmin, dewlete û neteweyê bînî cîya keno, edebîyat o. Êdî wendekarê ma zanê ke seba çi wanenê û seba çi cigêrayîş kenê. Sewbîna têkilîyê ma bi Vakur, Diasporaya Kurdî, hema nê peyînî de zî qonaxê mastirî zî derbaz bi. Beşê Edebîyatnasî û Ziwanasî mîyan de est o, êdî do doktoraya ma Rojawanê Kurdistanî de bi xo zî virazyo."

 

'Senîn ke merdim bi dayîke xo dir yeno girêdayîş, ziwan zî eynî wina yo'

 

Wendekara Beşê Edebîyatî yê Unîversîteya Kobanî, Rodîn Mihemed wina qalê edebîyatî kerd: "Unîversîteya ma destpêk de wina nêbî, helbet tu çîyêk sey destpêkî nêmaneno û sey her çî kêmîyê beşî bî. Sesîn ke sîstemê xo da awankerdiş, wextî dir mamosteyê pisporî ke xo milê edebîyat û ziwan de aver berdê zî dest bi kar kerdî. Bi çareserkerdişê probleman êdî gamê ver bi averşîyayîşî de ameyî eştiş. Seke ziwan zî helbet girêdayîşêk virazêno. Senîn ke merdim bi dayîka xo dir yeno girêdayîş, ziwan zî eynî wina yo."

 

'Ziwan cuya ma de maddeyo tewr muhîm o'

 

Rodîne tewr peyîn wina vat: "Ziwan cuya ma de maddeyo tewr muhîm o. Edebîyat zî tena zanabîyayîş, weşikbîyayîş, naskerdiş, awankerdiş, û viraştişê şexsî nêyo. Helbet heme zanistî manaya înan est o, la edebîyat ruhêkê zaf weş o.  Sewbîna eke merdimêko/e bê edebîyat bo, o/a merdim/e qels û ziwa maneno. Ma venga pêro cinîyanê ciwanan kenê ke verê xo bidê heskerdişê edebîyatî û ez tu wext nêeşkena heskerdişê xo yê edebîyatê Kurdkî rê şîrove bikerî."